ჰაკერების საერთაშორისო ჯგუფი “ანონიმუსი” ქართველს ხალხს, უწყვეტი პროტესტის მონაწილეებს მხარდაჭერას უცხადებს და სპეციალურ ვიდეო მიმართვას ავრცელებს.
“ანონიმუსი” აცხადებს, რომ ისინი ბოლომდე იდგებიან თავისუფლებისთვის მებრძოლი ხალხის გვერდით. დაჯგუფება მმართველ პარტიასაც მიმართავს და აფრთხილებს, რომ “ისინი მათ ქსელებში არიან და სიმართლეს ვერ დამალავენ.“
“გადადგით ნაბიჯი უკან, ან ეტაპობრივად ნაწილ-ნაწილ დავანგრევთ თქვენს ქსელებს. თქვენს დანაშაულს ქართველი ხალხის წინაშე, ღალატს, ძალადობას და თაღლითობას ფარდა აეხდება“,- ამბობენ მიმართვაში.
”მოგესალმებით საქართველოს მოქალაქეებო, ჩვენ ვართ ანონიმუსი და თქვენ გვერდით ვდგავართ. ქართველებო, თქვენი ბრძოლა ჩვენი ბრძოლაცაა, თბილისის ქუჩებიდან ციფრულ ბრძოლის ველამდე ჩვენ თქვენთან ვართ. ძალაუფლება თქვენ გეკუთვნით, თქვენ, ვინც ღამეებს ღამეებზე ქუჩაში გადიხართ, ვინც წყლის ჭავლს, ცრემლსადენ გაზს და ხელკეტებს უპირისპირდებით, მაგრამ უკან მაინც არ იხევთ. თქვენ ხართ საქართველოს მომავლის გულისცემა, თქვენ ხართ ის, ვინც არ დაიხრებიან ფაშისტური რეჟიმების ან რუსეთის გავლენების წინაშე. ჩვენ ვართ ხალხი და თქვენ ხართ ჩვენ. “ქართული ოცნება” ჩვენ თქვენს ქსელებში ვართ, ჩვენ ვფლობთ თქვენს სისტემებს, თქვენი ციფრული კედლები ჩვენია და არ მოგცემთ წვდომას. ვერ დამალავთ სიმართლეს, გადადგით ნაბიჯი უკან, ან ეტაპობრივად, ნაწილ-ნაწილ დავანგრევთ თქვენს ქსელებს. თქვენს დანაშაულს ქართველი ხალხის წინაშე, ღალატს, ძალადობას და თაღლითობას ფარდა აეხდება. ჩვენ უკვე გაჩვენეთ, რამდენად შორს შეგვიძლია წასვლა. 2025 წლის 25 იანვარს, თბილისის საზოგადოებრივი ტრანსპორტის სისტემებში გაჟღერდა ჰიმნი “თავისუფლება”, საქართველოსა და ევროკავშირს სიმბოლოებით, თქვენ სამარცხვინო ხმებთან ერთად. ჩვენ ვართ ანონიმუსი, ჩვენ ვართ ლეგიონი. ჩვენ არ ვპატიობთ, ჩვენ არ ვივიწყებთ. ელოდეთ ჩვენს დაბრუნებას”- ამბობს ანონიმუსი ვიდეომიმართვაში, რომელის 17 ივნისსაა გამოქვეყნებული.
მსგავსი სტატიები:
რეგულარული ფრენები 1-ლი თებერვლიდან სრულად აღდგება
4 ოქტომბრიდან მუშაობას განაახლებენ საბავშვო გასართობი ცენტრები
„როცა ადამიანის სიცოცხლე საფრთხის ქვეშაა, დისკუსია საჭირო არაა“ — დეგნანი
ხარკოველი ექიმი: ქედს ვუხრი პერსონალს, რომელიც ჩემთან ერთად კლინიკაში დარჩა
სამი შვილის დედა ყოფილმა ქმარმა მოკლა
“გაგიჟდა „ოცნება“…..პრლამენტში დეპუტატებს წიგნს- „ლუციფერის მხილება“ ურიგებენ
“ტვინის შერყევა აქვს და გემატომები” – როგორია სასტიკად ნაცემი გურამ ადამიას ჯანმრთელობის მდგომარეობა
“ოცნებას” ქართულ საზოგადოებასთან სერიოზულ დათმობებზე წასვლა მოუწევს – ფიქრია ჩიხრაძე
