ტელეკომპანიის, Дождь-ის მიხედვით, რუსეთში 18 წლის დაღესტნელ ახალგაზრდას, საიდ მურთაზალიევს წამებით აიძულეს თავდაცვის სამინისტროსთან კონტრაქტის დადება და ფრონტზე წასვლა, სადაც ის გაუჩინარდა.
ამის შესახებ საუბარია Дождь-ის დოკუმენტურ ფილმში, “Ни живые ни мертвые”, რომელშიც უკრაინასთან ომში გაუჩინარებული რუსი ჯარისკაცების შესახებ არის მოთხრობილი.
ტელეკომპანიის თანახმად, მიმდინარე წლის იანვრის დასაწყისში მურთაზალიევი ზამთრის არდადაგებზე მოსკოვის ოლქში იმყოფებოდა, სადაც ის თაღლითობის ბრალდებით დააკავეს. პოლიციის განყოფილებაში მას თავდაცვის სამინისტროსთან კონტრაქტის დადება შესთავაზეს, უარის შემდეგ კი წამება დაუწყეს. დაკარგული ჯარისკაცის დედის, ლეილა ნახშუნოვას თქმით, მურთაზალიევს “თავზე აირწინაღს აცვამდნენ, მკერდზე აწვებოდნენ, სანამ ცნობიერებას არ დაკარგავდა”.
Дождь-ის ინფორმაციით, იძულებით თანხმობის მიღების შემდეგ მურთაზალიევი ფრონტზე გაუშვეს – ის მოსკოვის სამხედრო ოკრუგის პირველი სატანკო გვარდიული არმიის 272-ე მოტომსროლელი პოლკის მოტომსროლელი ბატალიონის მოიერიშე ასეულში მსახურობდა.
7 მარტს მურთაზალიევმა დედამისს ვიდეო გაუგზავნა, რომელშიც ამბობდა, რომ “პოლკის მეთაურის ბრძანებით 1 მილიონ 150 ათასი რუბლი ააგროვა, რათა ბიჭები შტურმში არ წასულიყვნენ” და მას, როგორც არასაჭირო მოწმეს, “განულებას” უპირებდნენ. მომდევნო დღეს, 18 წლის ახალგაზრდა გაუჩინარდა.
Дождь-ს ნახშუნოვამ უთხრა, რომ მეთაურების წინააღმდეგ, რომლებიც მისმა შვილმა ვიდეოში დაასახელა, გამოძიება არის დაწყებული, თუმცა ჯარში კვლავ მსახურობენ და სამხედრო დავალებებში მონაწილეობენ.
მსგავსი სტატიები:
ქეთევან იაშვილი- ქალი, რომელმაც საქართველოს 400 მილიონის ღირებულების საგანძური დაუტოვა
რატომ იკეტება ჯაპანა-ლანჩხუთის მთავარი ავტომაგისტრალი?
“ძალიან დიდი სურვილი მაქვს ჩამოვიდეს სააკაშვილი, გავერთობით ძალიან კარგად”
“ტაშისკვრით კლავენ ადამიანს… სადღაც დამკრავს იმედი, რომ ეს არ მოხდება, ქართველობა ხომ უნდა დავიტოვოთ, არა?!”-დავით კვარაცხელია
პატივს ვცემთ საქართველოსა და უკრაინის გადაწყვეტილებას ნატო-ში გაწევრიანების შესახებ – სტოლტენბერგი
“თუ ომი გაგრძელდება, მსოფლიო ფასები საკვებზე წლის განმავლობაში 40-50%-ით გაიზრდება”
“მიხარია, ამდენ რუს ტურისტულ ოჯახს რომ ვხედავ…” – რას ამბობს ქუთაისის საკრებულოს ყოფილი წევრი?
რა ქონებას ფლობს საქართველოს ახალი სახალხო დამცველი
