2025 წლის 10 ივლისს ბახვი ჰესის მენეჯმენტის და კომპანიის გარემოსდაცვით და სოციალურ საკითხებზე მომუშავე მრჩეველთა საბჭოს წლის პირველი, გასვლითი სახის შეხვედრა გაიმართა. საბჭოს წევრები ბახვი ჰესის სამშენებლო მოედანს სტუმრობდნენ, რომელიც მდინარე ბახვის წყლის ხეობაში მდებარეობს. ბახვი 2 ბ ჰესის შენობა უკვე დასრულებულია და მიმდინარეობს აგრეგატების სამონტაჟო სამუშაოები. რაც შეეხება ბახვი 2 ა და ბახვი 1 ჰესებს, ასევე ჰესების წყალმიმღებებსა და მილსადენს, ამ ობიექტების მშენებლობა აქტიურ ფაზაშია. მრჩეველთა საბჭოს წევრებმა პროექტის მენეჯმენტთან ერთად თითოეული ლოკაცია მოინახულეს.
„ნამდვილად არ მეგონა, თუ უკვე ამ დონეზე იქნებოდა წინ წასული, პროფესიულად ძალიან კარგად შესრულებული მშენებლობა. ეს ერთი შეხედვითაც ჩანს, რაც ნებისმიერ დაინტერესებულ ვიზიტორს საკუთარი თვალით შეუძლია ნახოს. ყველაზე მნიშვნელოვანი ისაა, რომ მონაკვეთი, სადაც აქტიური სამშენებლო სამუშაოები მიმდინარეობს, არაა მასშტაბური _ ვშიშობდი, რომ გაცილებით დიდი ტერიტორია იქნებოდა მოცული, მაგრამ მშენებლობას თვალნათლივ ეტყობა, რომ პროექტის მენეჯერები ცდილობენ მაქსიმალურად დაზოგონ გარემო, თავიდან აიცილონ ზიანი ან შეარბილონ ის.
ბევრი რამაა ნაფიქრი და დაგეგმილი ამისთვის პროექტის დასრულების ეტაპზეც. ამ პროცესის მონიტორინგშიც აქტიურად იქნება ჩართული მრჩეველთა საბჭო“, – განაცხადა ია მამალაძემ, “გურია ნიუსის“ დამფუძნებელმა და ბახვი ჰესის მრჩეველთა საბჭოს წევრმა.
„ჩვენი პროგრამა მაქსიმუმი, წლის ბოლოსთვის სამივე პროექტის მშენებლობის დასრულებაა. ბახვი 2 ბ როგორც ნახეთ, დასრულებულია უკვე, ბახვი 2 ა აგვისტოს ბოლოს დასრულდება. დაგვრჩება ყველაზე რთული პროექტი, ბახვი 1 ჰესი, რომელიც ძალიან დიდი სურვილი გვაქვს, რომ დეკემბრის ბოლომდე დავასრულოთ“- განაცხადა არჩილ ძნელაძემ, ბახვი ჰესის ტექნიკურმა დირექტორმა.
სამშენებლო პერიმეტრის დათვალიერების შემდეგ მრჩეველთა საბჭოს წევრები სოფელ უკანავაში, სამშენებლო ბანაკში დაბრუნდნენ, სადაც გაიმართა სამუშაო შეხვედრა.
გიორგი აბრამიშვილი, კომპანია ბახვი ჰესის დირექტორი:
„ძალიან ვაფასებთ მრჩეველთა საბჭოს თითოეული წევრის ჩართულობას. 2021 წლიდან დღემდე ჩვენ პრაქტიკულად ერთად მოვდივართ. ნაბიჯი არ გადაგვიდგამს თქვენს გარეშე. ერთმანეთს ალბათ ბევრი რამ ვასწავლეთ ამ დროის განმავლობაში. აუცილებლად მინდა მადლობა გადაგიხადოთ სწორედ ამ უანგარო ჩართულობისთვის. მჯერა, სულ მალე, თოთოეულ ჩართულ მხარეს ექნება საშუალება ამაყად თქვას, მე ავაშენე ბახვი ჰესი. მანამდე კი, დღეს, ჩვენ ვამბობთ, რომ ჩვენ, მენეჯმენტმა, შევასრულეთ დანაპირები და ვაშენებთ ისე, როგორც დაგპირდით, ევროპული სტანდარტებით, ვზრუნავთ ბუნებაზე, ვზრუნავთ ადამიანებზე და წვლილი შეგვაქვს რეგიონის განვითარებაში. ჩვენი გარემოსდაცვითი სამოქმედო გეგმა, რომელსაც ზედმიწევნით ვასრულებთ, სოციალური პროექტები, შრომის უსაფრთხოება, მშენებლობის ხარისხი ამისი მაგალითია“.
სამუშაო შეხვედრის ფარგლებში მრჩეველთა საბჭოს წევრები დეტალურად გაეცნენ როგორც მშენებლობის მიმდინარეობას, ასევე გარემოსდაცვითი და სოციალური პროექტების აღსრულებას, მოისმინეს შრომის უსაფრთხოებისა და ჯანმრთელობის სამსახურის პრეზენტაცია და გამჭვირვალობის, კომუნიკაციის და ჩართულობის ანგარიში.
ბახვი ჰესის პროექტზე დასაქმების კომპონენტის ნაწილში დანაპირები პირნალთლად არის შესრულებული, რაც გულისხმობს ადგილობრივი მოსახლეობის პრიორიტეტულად დასაქმებას. ამჟამად სამ მოედანზე დასაქმებულია 200 – ზე მეტი ადამიანი, საიდანაც 81 არის ადგილობრივი მოსახელე. კომპანია ასევე, პრიორიტეტს ანიჭებს ადგილობრივებს, როცა ესაჭიროება მძიმე თუ მსუბუქი ტექნიკის ქირაობა, მოსმახურების თუ გარკვეული პროდუქტების შეძენა.
მრჩეველთა საბჭოს წლის პირველი სხდომის ფარგლებში, საბჭოს წევრებთან შეთანხმდა მათი 2025 წლის ჩართულობის პროგრამა, რომელიც პირველ რიგში თითოეული საბჭოს წევრის მეტ ინფორმირებულობას ითვალისწინებს
მსგავსი სტატიები:
“ვინ არიან საქართველოს საგანძურის გამტაცებლები, გამყიდველები და რესტორნებში მფლანგველები?”-ირაკლი მახარაძე
“მე დღეს გწერ არა როგორც ძმისშვილი…როგორც არასდროს ისე ჭირდები ახლა შენ საქართველოს!…ძალიან გთხოვ დაიწყე საკვების მიღება”-ელენე სააკაშვილი
“… ეზარება ოპოზიციის დიდ ნაწილს… იძინეთ, იძინეთ… საცივიც ახლიდან გააკეთეთ და გოზინაყიც” – ინგა გრიგოლია
ჩამორთმეული ვილები, იახტები, თვითმფრინავები… – რუსმა ოლიგარქებმა ერთ კვირაში 80 მლრდ დოლარის ქონება დაკარგეს
„დასუსტებული ივანიშვილიც კი სხვებთან შედარებით დღეს ყველაზე ძლიერია“ – არჩილ გამზარდია
თუ ვინმეს ამ ნელი სიკვდილის ყურება გახარებთ, ფსიქოლოგთან ვიზიტი ჩანიშნეთ – დედა სიდონია სააკაშვილზე
მეგი ბაქრაძის გარდაცვალების საქმეზე, სასამართლომ 3 ექიმი დამნაშავედ ცნო
არის მოლოდინი, რომ პრეზიდენტი სააკაშვილს შეიწყალებს, რადგან „არა და არასოდეს“ მან უკვე უარყო – ყაველაშვილი
