“გურიის მოამბეს” რედაქტორმა, დევნილობაში, მისტიკური რომანი  – “ორ სამყაროს შორის” – გამოსცა

“გურიის მოამბეს” რედაქტორმა, თეა იოსელიანმა, რომელიც რამდენიმე წელია საზღვარგარეთ დევნილობაში იმყოფება, ახლახანს, საკუთარი, მისტიკური რომანი – “ორ სამყაროს შორის” – გამოსცა.

თეა იოსელიანმა, რომანი დევნილობაში დაწერა.

მან საქართველო, რამდენიმე წლის წინ, იძულებით, ჟურნალისტური მოღვაწეობის პერიოდში განხორციელებული არაერთი მუქარისა და ზეწოლის გამო, დატოვა.

კერძოდ, უცნობი პირები, რომლებიც შემდგომ “ქართული ოცნების” მხარდამჭერები აღმოჩნდნენ, “გურიის მოამბეს” მაშინდელ, მოქმედ რედაქტორს, თეა იოსელიანს, სოციალური ქსელებით, მცირეწლოვანი შვილების ლიკვიდაციით ემუქრებოდნენ, ეს უკანასკნელი კრიტიკული სტატიების წერას თუ არ შეწყვეტდა.

მაშინ, შსს-მ აღძრა სისხლის სამართლის საქმე და მუქარაში ქალაქ თბილისის მერიის თანამშრომელი ამხილა.

თუმცა არც შსს-ს და არც თბილისის მერიასა და მერს, კახა კალაძეს, არავითარი ზომები, არ მიუღიათ.

ვინაიდან მუქარა იყო რეალური, ჟურნალისტი და პირველ რიგში დედა, შვილების გადასარჩენად, იძულებული გახდა საზღვარგარეთ გაქცეულიყო.

მან, ერთერთი ევროპული ქვეყნის თავშესაფარში, რამდენიმე წელი, სირიიდან, პალესტინიდან, ერაყიდან და რუსეთიდან დევნილებსშორის, მცირეწლოვან შვილებთან ერთად, უმძიმეს პირობებში გაატარა.

“მე ორჯერ დავიბადე და მეორედ დაბადებისას ჩემი ყოველი დღე ჰგავდა მისტიკური წიგნის სიუჟეტს, რომლის მომდევნო ფურცელი უფრო და უფრო საინტერესოდ იკითხებოდა. ეს ნამდვილად იყო საჩუქარი სამყაროსგან, რომელმაც 21-ე საუკუნეში შეხვედრა მომიწყო საკუთარი სულის წინა ცხოვრებასთან. ახალი ცხოვრების დასაწყისიდან ზუსტად 9 თვეში, სულის კარნახით დაიწერა წიგნი გაჯერებული სიურეალიზმითა და მისტიკით, სადაც სულის სარკმლიდან პარალელურ სამყაროში მოგზაურობა და წარსულთან შეხვედრაა აღწერილი. იმ ადამიანებთან, რომლებსაც მე-19-ე საუკუნის ინგლისში ერთი სულით ლამაზი, არისტოკრატი, სიყვარულზე უზომოდ შეყვარებული და ტრაგიკული ბედის ქალის ცხოვრებაში მნიშვნელოვანი როლები ერგოთ…”

ირმა მგელაძე-ეს ჩვენი Teo Ioseliani ის ნაშრომია, იმ თეოსი, რომელიც ქართული ოცნება / Georgian Dream-ამ ემიგრანტი გახადა(იძულებით, მუქარით).

თინა უშანგიშვილი-არიან ადამიანები, რომლებიც ჩვენს ცხოვრებაში უცნაურად და თითქოს მოულოდნელად ჩნდებიან.

ისინი არ მოდიან ხმაურით — მათი არსებობა თითქოს ჩუმად, ფრთხილად შემოდის ჩვენს სულში.მათი სიტყვები ისე ახლოს მოდის გულთან, თითქოს მთელი ცხოვრება იცნობდი.

ასეთი შეხვედრები შემთხვევით არ ხდება — ისინი ზუსტად მაშინ მოდიან, როცა ჩვენი სული მზად არის.”

მადლობა თეო

მინდა, შენთან ერთად დავალაგო სათქმელი და გავიაზრო ემოციები, რომლებიც შენი პირველი წიგნის წაკითხვის შემდეგ დამეუფლა- წიგნისა, რომლის სათაურიცა და ეპიგრაფიც ორ სამყაროს შორის მისტიკურ მოგზაურობას აღმითქვამდა.პირველივე სტრიქონებიდან გაირკვა, რომ ეს ადამიანის სულის თავგადასავალია – სულის რეინკარნაცია, დროში მოგზაურობა, საკუთარი თავის შეცნობისა და ძიების ხანგრძლივი და მტკივნეული პროცესი.დამაინტრიგებელი ფაბულაა-თანამედროვე, XXI საუკუნის გერმანიაში მცხოვრებ ქალს ” კადრები ეხსნება” და მკაფიოდ ხედავს საკუთარ წინარე ცხოვრებას XIX საუკუნის ინგლისში, მდიდრულ სასახლეში, გავლენიანი პერსონის მეუღლის ამპლუაში.საკმაოდ დამაჯერებლად, მხატვრულად, სტილიზებულად აცოცხლებ ორი საუკუნის წინანდელ რეალობას.რომანის კითხვის პროცესში არ მშორდებოდა განცდა, რომ კოსტიუმირებულ ფილმს ვუყურებდი, რადგან ყველა დეტალი, პერსონაჟთა მეტყველების მანერა, სივრცული გარემო, ურთიერთობის კულტურა, ენობრივი ქსოვილი მონათხრობს სიცოცხლეს, რეალურობას,დამაჯერებლობას სძენდა.

შეიძლება, თამამად ითქვას, რომ ეს მისტიკური რომანი მრავალშრიანი ნაწარმოებია და უამრავ პრობლემაზე დააფიქრებს ადამიანს.იგი არ შემოიფარგლება მხოლოდ ეგზისტენციალური თემებით: საკუთარი თავის პოვნა, სამყაროში ადგილის დამკვიდრება, ღმერთთან მიმართება, ცხოვრების საზრისის გააზრება…მკითხველი პერსონაჟთა დაუძლეველი მარტოსულობის, დრამატული სიყვარულის, რთული ოჯახური ურთიერთობების მოწმე და მხილველიც ხდება…და ეს ყველაფერი გადმოცემულია ძალიან დახვეწილი, ხატოვანი ენით, რომელსაც მეცხრამეტე საუკუნის სურნელი დაჰკრავს და მკითხველის წარმოსახვაში ჯეინ ოსტინის, დები ბრონტეების, ჩარლზ დიკენსის გმირებს აცოცხლებს.

გილოცავ პირველ წარმატებულ ნაბიჯებს ქართულ მწერლობაში,თეო! უამრავი მხატვრული იდეა და საინტერესო წიგნი შენ!