აშშ-მა საერთაშორისო სისხლის სამართლის სასამართლოს ქართველი მოსამართლე გოჩა ლორთქიფანიძე დაასანქცირა | ამის შესახებ სახელმწიფო დეპარტამენტის განცხადებაშია საუბარი, რომელსაც ხელს სახელმწიფო მდივანი მარკო რუბიო აწერს. ცნობილია, რომ დასანქცირებულია კიდევ ერთი მოსამართლე მონღოლეთიდან.
გავრცელებული განცხადებიდან ირკვევა, რომ მოსამართლეების დასანქცირების მიზეზია “ისრაელის თანხმობის გარეშე, სისხლის სამართლის საერთაშორისო სასამართლოს მიერ ისრაელის მოქალაქეების გამოძიების, დაპატიმრების, დაკავების ან სისხლისსამართლებრივი დევნის მცდელობებში უშუალოდ მონაწილეობა”.
💬 “დღეს, მე ვასახელებ საერთაშორისო სისხლის სამართლის სასამართლოს (ICC) ორ მოსამართლეს გოჩა ლორთქიფანიძეს საქართველოდან და ერდენებალსურენ დამდინს მონღოლეთიდან, აღმასრულებელი ბრძანება №14203-ის საფუძველზე, სახელწოდებით „საერთაშორისო სისხლის სამართლის სასამართლოს წინააღმდეგ სანქციების დაწესება“.
აღნიშნულმა პირებმა უშუალოდ მიიღეს მონაწილეობა ICC-ის იმ ქმედებებში, რომლებიც მიზნად ისახავდა ისრაელის მოქალაქეთა გამოძიებას, დაკავებას, პატიმრობას ან სისხლისსამართლებრივ დევნას ისრაელის თანხმობის გარეშე, მათ შორის 15 დეკემბერს ისრაელის აპელაციის წინააღმდეგ მიღებული გადაწყვეტილების მხარდასაჭერად უმრავლესობასთან ერთად ხმის მიცემით. ICC განაგრძობს პოლიტიზებულ ქმედებებს, რომლებიც ისრაელს მიზანში იღებს და ქმნის სახიფათო პრეცედენტს ყველა ქვეყნისთვის.
ჩვენ არ შევეგუებით სისხლის სამართლის საერთაშორისო სასამართლოს მიერ ძალაუფლების ბოროტად გამოყენებას, რაც არღვევს შეერთებული შტატებისა და ისრაელის სუვერენიტეტს და არასწორად აქვემდებარებს აშშ-სა და ისრაელის მოქალაქეებს სისხლის სამართლის საერთაშორისო სასამართლოს იურისდიქციას. ჩვენი გზავნილი სასამართლოსთვის მკაფიოა: შეერთებული შტატები და ისრაელი არ არიან რომის სტატუტის მხარეები და, შესაბამისად, არ აღიარებენ ICC-ის იურისდიქციას. ჩვენ გავაგრძელებთ პასუხის გაცემას მნიშვნელოვანი და ხელშესახები შედეგებით ICC-ის „სამართლებრივ ომსა“ და უფლებამოსილების გადამეტებაზე” | ნათქვამია განცხადებაში
მსგავსი სტატიები:
მარხვის დღეებთან დაკავშირებით საპატრიარქო განცხადებას ავრცელებს
თუ დანიელსონი უკან ისევ ხელცარიელი დაბრუნდება, ეს იქნება გზავნილი, რომ საქართველო ზურგს აქცევს ევროპას
როგორ ცხოვრობს მსოფლიოში ყველაზე მდიდარი მეფე – გაიცანით სკანდალური და ექსტრავაგანტული რამა X
ოზურგეთელმა სასწრაფოს ექიმმა გალფის გათამაშებაში ავტომანქანა მოიგო
“მაკო გომური ერთი თვალით ვერ ხედავს ქალბატონო დოდოშკა, თუ გამბედაობა გეყოფათ აუხსენით მაკოს რომ ეს სისტემური დანაშაული არ იყო “- კაპანაძე
“ალტ ინფო” – ნიკა გვარამია და მიხეილ სააკაშვილი სიკვდილით უნდა დაისაჯონ
გიორგი ურუშაძემ შვედეთის ელჩთან შეხვედრა გამართა
ლომჯარია ახალ პლატფორმაზე: არ გვაქვს გეგმები, რომ ეს გადაიზარდოს პოლიტიკურ გაერთიანებაში
