სირია -ჩვენ მხარს ვუჭერთ ლიბანს ჰეზბოლას განიარაღებაში

2 მარტს, თეირანის მიერ მხარდაჭერილმა ჰეზბოლამ ისრაელის მიმართულებით რაკეტები გაუშვა. ეს იყო პასუხი ირანის უზენაესი ლიდერის, ალი ხამენეის მკვლელობაზე.

საპასუხოდ, ისრაელმა ფართომასშტაბიანი საჰაერო დაბომბვები დაიწყო ლიბანში და სახმელეთო ჯარებიც შეიყვანა, რის შედეგადაც, ლიბანის ჯანდაცვის სამინისტროს მონაცემებით, სულ მცირე 486 ადამიანი დაიღუპა.

“ჩვენ ვდგავართ ლიბანის პრეზიდენტის, ჯოზეფ აუნის გვერდით ჰეზბოლას განიარაღების საქმეში,” – განაცხადა ალ-შარაამ ევროპელ მაღალჩინოსნებთან ვიდეოკონფერენციის დროს.

“ჩვენ გავაძლიერეთ ჩვენი თავდაცვითი ძალები საზღვრის გასწვრივ, როგორც სიფრთხილის ზომა, რათა თავიდან ავიცილოთ კონფლიქტის შედეგების სირიის ტერიტორიაზე გავრცელება, ასევე ტრანსსასაზღვრო ორგანიზაციებთან საბრძოლველად და მათ მიერ სირიის ტერიტორიის გამოყენების აღსაკვეთად,” – თქვა შარაამ.

ორშაბათს, პრეზიდენტმა აუნმა ჰეზბოლა ლიბანის სახელმწიფოს “ჩამოშლის” მცდელობაში დაადანაშაულა ისრაელზე თავდასხმის გამო.