რატომ ფიქრობენ მეცნიერები, რომ ეგვიპტის ფარაონები უცხოპლანეტელები იყვნენ. უფოლოგების ყველაზე დიდი საგანძური

პირამიდების წარმომავლობის საკითხი ბევრ მკვლევარს და მსოფლიო საზოგადოებას ათაწლეულების მანძილზე აინტერესებს. გარდა ამისა, ეგვიპტური კულტურა უამრავი საიდუმლოებით და გამოცანით არის მოცული. ხოლო, იმას, თუ რატომ თვლიან მეცნიერები, რომ ეგვიპტის ფარაონები უცხოპლანეტელები იყვნენ, ამას ახლავე გაიგებთ.

image

 

საქმე იმაშია, რომ ამერიკელმა გენეტიკოსებმა, ფარაონების მუმიების ხანგრძლივი კვლევების შემდეგ, ახალი თეორია გაავრცელეს, რომლშიც აღნიშნულია, რომ ძველი მმართველების ძვლის ქსოვილებში ისეთი ელემენტი (გენი CXPAC-5) აღმოაჩინეს, რომელიც დედამიწელებისთვის დამახასიათბელი არ არის და აღნიშნული ანომალია, ფარაონების 90% არის დამახასიათებელი. ხოლო, თუ თანამედროვე ეგვიპტელებს შორის, ფარაონების შთამომავლები არიან, იმის ალბათობაც არსებობს, რომ დედამიწაზე უცხოპლანეტური წარმომავლობის ადამიანები ცხოვრობენ.

მეცნიერები ფიქრობენ, რომ ეგვიპტის მმართველები უცხოპლანეტელების და ადამიანების ჰიბრიდები იყვნენ და უნდა აღინიშნოს, რომ მათ, გენეტიკის გარდა, ადგილობრივი მოსახლეობისგან, სხეულის აგებულებითაც გამოირჩეოდნენ. მაგ., ამენჰოტეპ IV (ეხნატონი) თავის ქალას, უცნაური, გაწელილი ფორმა ჰქონდა. ასევე ყურადღების ღირსია ფარაონების უცნაური თითები, რომელიც ობობის საცეცეებს უფრო ჰგავს, ვიდრე ადამიანის თითებს და ფლიპერის (ბაყაყის ფეხების) მსგავსი ფეხის ტერფები.

 

image

 

შესაძლებელია, ამგვარი მუტაციები — ექსპერიმენტების შედეგი იყოს. თუმცა, უნდა აღინიშნოს, რომ ამ მოსაზრებას ყველა მეცნიერი არ იზიარებს. მაგრამ, თუ კვლევები დაადასტურებს უცხოპლანეტელების ფარაონებთან კავშირის ფაქტს, ეს პირველი ნაბიჯი იქნება იმის დასამტკიცებლად, რომ ადამიანები უცხოპლანეტელებმა შექმნეს, ან რომ ჩვენ, მათი პირდაპირი შთამომავლები ვართ. ამ ჰიპოთეზის ყველაზე თავგამოდებული დამცველები უფოლოგები არიან, რომლებმაც მისი გაჟღერებისთანავე «ფაქტების» მოძიება დაიწყეს და უნდა ითქვას, რომ იპოვეს კიდეც… როგორც ისინი ამტკიცებენ, ეგვიპტის პაპირუსებში ნათქვამია, რომ ეხნატონს, რომელმაც საკუთარ ქვეყანაში კულტურული რევოლუცია განახორციელა, ურთიერთობა ზეციდან მოსულ არსებებთან ჰქონდა. გარდა ამისა, ის, თურმე, თავადაც ამბობდა, რომ მათი შთამომავალი იყო — ყოველ შემთხვევაში, ერთ–ერთ ძველ ეგვიპტურ პაპირუსებში ასე წერია.

 

image

 

ამ ჰიპოთეზის საასარგებლოდ, ეგვიპტის პირამიდების არსებობაც მეტყველებს, რადგან ამგვარი ნაგებობის შექმნა დღევანდელი ტექნოლოგიებითაც კი შეუძლებელია და მაშინ ხომ, საერთოდ, წარმოუდგენელი იქნებოდა…

გარდა ამისა, ხეოფსის პირამიდის წინა ფასადი ჩრდ. მიმართულებაზეა ორიენტირებული და თუ, სიზუსტის თვალსაზრისით, ოდნავი გადახრა შეიმჩნევა, ეს მხოლოდ იმიტომ, რომ ათასწლეულების მანძილზე, პოლუსმა მდებარეობა შეიცვალა. ამასთან, უნდა აღინიშნოს, რომ გიზის ყველა პირამიდა რომელიმე თანავარსკვლავზეა ორიენტირებული. ამის გაკეთება კი, კომპასის და სხვა თანამედროვე ხელსაწყოების გარეშე, შეუძლებელია – თვლიან მეცნიერები.

პალეოკონტაქტების თეორიის თანახმად, დედამიწელებს პირამიდების შექმნაში უცხოპლანეტელები დაეხმარნენ, რომლებსაც ადგილობრივებმა, მათზე ბევრად განვითარებული გონების და ცოდნის გამო, «ღმერთები» შეარქვეს.

ასე, რომ, არსებული ვერსიის მიხედვით, ჩვენი ისტორიის საწყის ეტაპზე, სწორედ უცხოპლანეტური ცივილიზაციები გვეხმარებოდნენ და განვითარებისკენ გვიბიძგებდნე. ამჟამად, უამრავი მეცნიერი ცდილობს, ჩვენი ცივილიზაციის და უცხოპლანეტელებს შორის კონტაქტის პირდაპირი მტკიცებულების მოპოვებას და მათი ურთიერთობის პერიოდის დადგენას. ამჟამად უკვე მოპოვებული, უძველესი წერილობითი წყაროების და არტიფაქტების გათვალისწინებით, პირველი კონტაქტი, დაახლოებით, 20 ათასი წლის წინ უნდა შემდგარიყო.

 

image

ხოლო იმაზე, რომ დედამიწელებს მართლაც ჰქონდათ კავშირი უცხოპლანეტურ ცივილიზაციებთან, ეგვიპტეში (და არა მარტო იქ) აღმოჩენილი არაერთი არტიფაქტი, ფრესკა, თუ პაპირუსი მეტყველებს. მათ შორის არის «ტულის» პაპირუსი, რომელიც უფოლოგებისთვის ნამდვილ საგანძურს წარმოადგენს, რადგან მასში, უცხოპლანეტელებზე დაკვირვების შედეგებია მოთხრობილი. ეს დოკუმენტი ფარაონის თუტმოს III (ძვ. წ. აღრ. XV ს.) მმართველობის პერიოდშია შედგენილი და მასში შავით თეთრზე წერია, რომ «22 წელს» ცაში უზარმაზარი ცეცხლოვანი სფერო (დისკი) გაჩნდა, რომელიც ხმას არ გამოსცემდა. მისი დიამეტრი, დაახლოებით, 46 მ. იყო და სასახლის სიახლოვეს გადაიფრინა. ამის შესახებ, ჩამწერებმა მაშინვე ფარაონს მოახსენეს. ხოლო მან, სფეროზე დაკვირვების ბრძანება გასცა.

 

image

 

რამდენიმე დღის შემდეგ, ცა სფეროებით გაივსო. ამასთან, ავტორი აღნიშნავს, რომ მათი სიკაშკაშე, მზის სინათლეს აღემატებოდა. ობიექტები უხოდ მოძრაობდნენ, ხოლო შემდეგ, გეზი სამხრეთის მიმართულებით აიღეს…

http://intermedia.ge/

გააზიარეთ და მოიწონეთ სტატია: