სასწავლო პროცესის საკლასო სივრცეში განახლებასთან ერთად, ვირუსის გავრცელების პრევენციის მიზნით, სკოლებში მონიტორინგი გამკაცრდა – აღნიშნულის შესახებ ინფორმაციას განათლების სამინისტრო ავრცელებს.
„კვლავ აქტიურად მიმდინარეობს Covid-19-ზე მასწავლებელთა ტესტირება. სკოლის პერსონალს – მასწავლებლებს, მანდატურებს, ადმინისტრაციის წარმომადგენლებსა და ტექნიკურ პერსონალს ტესტირება როგორც PCR ტექნოლოგიის, ასევე, ანტიგენის სწრაფი ტესტის გამოყენებით ინტენსიურად უტარდება.
Covid-19-ის გამოვლენის შემთხვევაში, შიდა გავრცელების თავიდან ასაცილებლად, სკოლები მოქმედებენ ჯანდაცვის სფეროს წარმომადგენელთა რეკომენდაციის შესაბამისად და ცალკეული კლასი ან სკოლა მყისიერად გადადის დისტანციურ სწავლებაზე. ბოლო კვირის მონაცემის მიხედვით, საქართველოს მასშტაბით დისტანციურ სწავლებაზე გადავიდა 108 სკოლა და ცალკეული 687 კლასი.
რაც შეეხება ინფიცირების მაჩვენებელს, ბოლო კვირის მონაცემებით, ვირუსი დაუდასტურდა მასწავლებლების 0,9%-ს, ხოლო მოსწავლეების – 0,6%-ს.
კვლავ გრძელდება ვაქცინაციის პროცესი. ამ ეტაპისთვის აცრილია მასწავლებლებისა და სკოლის ადმინისტრაციული პერსონალის 69%.
განათლებისა და მეცნიერების სამინისტროსთვის განსაკუთრებულად მნიშვნელოვანია ბავშვების ჯანმრთელობა, სკოლებში უსაფრთხო გარემოს შექმნა. სამინისტრო კიდევ ერთხელ მოუწოდებს სრულიად სასკოლო საზოგადოებას, მაქსიმალურად დაიცვან ჯანდაცვის სფეროს რეკომენდაციები, აქტიურად ჩაერთონ ვაქცინაციის პროცესში.
ზოგადსაგანმანათლებლო დაწესებულებები სრულად არიან აღჭურვილი პანდემიის პრევენციისათვის საჭირო რესურსების მარაგით, მაქსიმალურად უზრუნველყოფენ ჯანდაცვის სფეროს რეკომენდაციების დაცვასა და უსაფრთხო გარემოს შექმნას“ – აღნიშნულია უწყების განცხადებაში.
მსგავსი სტატიები:
“ბედნიერი ადამიანები მხოლოდ ბედნიერებას ავრცელებენ,ყველა იმას ავლენს, რაც გულში აქვს”
ბოლო 24 საათში, დაწესებული შეზღუდვების ფარგლებში მოქმედი რეგულაციების დარღვევის 1 322 ფაქტი გამოვლინდა
კვების ობიექტებს შესაძლებლობა ექნებათ სტუმრები შაბათ-კვირასაც მიიღონ
რეგიონის ჩემპიონ დაბა ნარუჯის საჯარო სკოლის ეკოკლუბს სპეციალური პრიზი და სერტიფიკატი გადაეცა
საქართველოს უმსხვილესი სავაჭრო პარტნიორი ქვეყნები 2021 წელს
ვიდეო: “ეშმაკს არ უყვარს ღმერთი, ეშმაკის მსახურები არიან მაგენი, ალბათ”
“სახმელეთო საზღვრების გახსნაზე უკვე მიმდინარეობს მსჯელობა”
დომინიკელთა რესპუბლიკაში აფრიკული ღორის ცხელება გავრცელდა