Haas-ის გუნდის ფრანგი პილოტის, რომენ გროჟანის “ფორმულა-1”-ის ბოლიდი გამოედო რუსი მრბოლელის, დანიილ კვიატის ბოლიდს გრან-პრი ბაჰრეინის მსვლელობისას, რის შემდგომაც ბოლიდი შეეჯახა დამცავ ჯებირს, ორ ნაწილად გაიყო და აფეთქდა, ხოლო გროჟანმა აალებულ ბოლიდში 30 წამი გაატარა და დამოუკიდებლად გადმოსვლაც კი შეძლო!
“მას აქვს მცირე დამწვრობები ხელებსა და ტერფებზე, ამის იქეთ კი არაფერი უჭირს” – ნათქვამია გუნდის განცხადებაში.
თავად პილოტმა მოგვიანებით, კლინიკიდან, ვიდეომიმართვაც კი ჩაწერა, რომელშიც ყვება, რომ ყველაფერი კარგადაა, და ხუმრობით აყოლებს, რომ გარკვეული პერიოდის განმავლობაში მესიჯებს ვერ უპასუხებს.
ინციდენტის წინ, გროჟანი ცდილობდა წინ გაჭრას, რა დროსაც მკვეთრად გადაადგილდა მარჯვნივ და მოულოდნელად გამოედო რუსის ბოლიდს – გროჟანმა კონტროლი დაკარგა, მოსრიალდა და დაიმტვრა.
კვიატი ყვება, რომ ეს იყო საშინელი შეჯახება: “თავიდან ძალიან გავბრაზდი, როცა გროჟანმა დამეჯახა გავიფიქრე: “რა ჯანდაბას აკეთებს?”, მაგრამ შემდეგ აზრები მკვეთრად შემეცვალა – როგორც კი აფეთქება დავინახე სარკეებში! უბრალოდ ვიჯექი და ვიმედოვნებდი, რომ გადარჩა და კარგადაა. მიხარია, ძალიან მიხარია რომ გადარჩა და არაფერი ემუქრება. მსგავსი ეპიზოდები გვახსენებენ, თუ რამდენად სახიფათო საქმიანობით ვართ დაკავებულნი” – განაცხადა რუსმა მრბოლელმა.
ავტორი: ირაკლი სალუქვაძე
მსგავსი სტატიები:
როგორ ჩაუცვამთ მიმოზებს თეთრი კაბა-ფოტოამბავი
რა განსხვავებაა ქართველებსა და გერმანელებს შორის – დეკანოზი თამაზ ლომიძე
“ხელისუფლება მიწის, წყლის და მზის ქვეყნიდან, სამუშაოებზე უცხოეთში უშვებს ხალხს”
“ვერ დაიჭერთ”- ზურა დათუნაშვილმა მელიას მხარდაჭერა გამოუცხადა
“რუსეთი-საქართველო 1:0”
ფრანც ტეიხელის XVIII საუკუნის პირველი ნახევარის ილუსტრაცია – მეგრელი და გურული
გერმანიის საელჩო: მოქალაქეებს, რომელთა დამსაქმებელმაც პირობა დაარღვია, სხვაგან გადაიყვანენ
შტორმი შავი ზღვის მთელ სანაპიროზე – საგანგებო სიტუაციების მართვის სამსახურის გაფრთხილება