უცნაური შეთქმულების თეორიები იდუმალი ანტარქტიდის შესახებ

ანტარქტიდის ირგვლივ არსებული საიდუმლოებები იზიდავს ხალხს მთელი მსოფლიოდან. მას შემდეგ, რაც მე-19 საუკუნის დასაწყისში მეზღვაურებმა აღმოაჩინეს კონტინენტი (ოფიციალური აღმოჩენა მოხდა 1821 წელს), მისმა არასასიამოვნო პირობებმა მიიპყრო მეცნიერი მკვლევარები მთელი მსოფლიოდან. ანტარქტიდა არის მრავალი საოცარი შეთქმულების თეორიის საგანი, რომლებიც მოიცავს უცხოპლანეტელების ბაზებს, ძველ ცივილიზაციებს, დედამიწის ცენტრში შესასვლელს და ა. შ.

1. უცხოპლანეტელები

ცნობილი მონადირე უცხოპლანეტელებზე სკოტ უორინგი თვლის, რომ მან აღმოაჩინა უცხოპლანეტელების კოსმოსური ხომალდი, რომელიც დამარხულია ანტარქტიდის ყინულში. მაგრამ თუ ფიქრობთ, რომ მისტერ უორინგი პირადად გაემგზავრა კონტინენტზე, ცდებით. მას, ურჩევნია ანტარქტიდის ტერიტორიის გამოკვლევა Google Earth-ის გამოყენებით.

კიდევ ერთი მკვლევარი (ასევე იყენებს Google Earth-ს) ამტკიცებს, რომ ანტარქტიდის ზედაპირზე გაყინული უძველესი 4 მეტრიანი უცხოპლანეტელი იპოვა. ეს ადამიანი ასევე აცხადებს, რომ გიგანტის ფეხებიდან რამდენიმე მეტრში არის კარი.

შეთქმულების ვებსაიტებზე შეგიძლიათ იპოვოთ სურათების ნაკრები, რომლებიც, სავარაუდოდ, სხვადასხვა ანომალიებს წარმოადგენენ: გემები, ბუნკერები, გუმბათები ან თუნდაც მფრინავი თეფშები.

2. დედამიწის ცენტრში ჩასასვლელია

შეთქმულების თეორიის თანახმად, რომელიც პირველად მე-17 საუკუნეში შემოგვთავაზა ედმონდ ჰალეიმ (და მოგვიანებით გააუქმა ყველა გეოლოგმა), ჩვენი დედამიწა შიგნდან ცარიელია. ამ თეორიის რამდენიმე ვერსია არსებობს, მაგრამ ყველაზე პოპულარული მოგვაგონებს ჟიულ ვერნის მოგზაურობას დედამიწის ცენტრში. თეორიის ყველა ვერსია ვარაუდობს მინიატურული მზის არსებობას დედამიწის ცენტრში.

ბევრი შეთქმულების თეორეტიკოსი თვლის, რომ ანტარქტიდაში არის რამდენიმე შესასვლელი დედამიწის შიგნით და რომ მტკიცებულება არის დიდი ხნის დაკარგული დღიური, რომელიც ეკუთვნოდა გარდაცვლილ საზღვაო ოფიცრს, ადმირალ რიჩარდ ბირდს

დღიურში დეტალურადაა აღწერილი ბირდის სავარაუდო შეტაკება მოწინავე ცივილიზაციასთან კონტინენტის ქვეშ (კერძოდ, სამხრეთ პოლუსის ქვეშ). ამ „დღიურის“ მიხედვით, ბირდს უბრძანეს გაჩუმება და აუკრძალეს ამ მოვლენის შესახებ საუბარი.

ბირდმა მოაწყო ოპერაცია “სიმაღლეზე ნახტომი”, რომელიც იყო სამხედრო ექსპედიცია, შექმნილი ყინულოვან კონტინენტზე სასწავლო და კვლევითი ცენტრის დასაარსებლად. ამ საიდუმლო დღიურის მიხედვით, ბერდი შეხვდა ძველი აგარტის ცივილიზაციის ლიდერს, რომელსაც უბრალოდ “ოსტატს” ეძახდნენ. ოსტატი და მისი ხალხი შეშფოთებული იყო მეორე მსოფლიო ომში ბირთვული იარაღის გამოყენების გამო; ისინი აცხადებდნენ, რომ საფრენი აპარატები (მფრინავი თეფშები?) გაგზავნეს დაზვერვის ჩასატარებლად. ოსტატმა განაცხადა, რომ მათ გაუგზავნეს მესიჯი მსოფლიოს ყველა მთავრობას, მაგრამ მათ არ სურდათ მათი გაფრთხილებების გათვალისწინება.

3. ანტრაქტიდას ყინულის კედელი და თვითმფრინავები

“ბრტყელი დედამიწის” საზოგადოებას ჰყავს მიმდევრები მთელს მსოფლიოში და ისინი ემზადებიან ექსპედიციისთვის, რომლის მიზანია “ყინულის კედლის” პოვნა. როგორც ხედავთ, არიან ადამიანები, რომლებსაც არ სჯერათ, რომ დედამიწა მრგვალია. მაგრამ ეს ყველაფერი არ არის. მათი აზრით, ანტარქტიდა არის მასიური ყინულის კედელი, რომელიც ხელს უშლის ჩვენთვის ხელმისაწვდომ კონტინენტების მიღმა კვლევების ჩატარებას.

იდეა იმაში მდგომარეობს, რომ ანტარქტიდა არის იმ ზღვარზე, რასაც “ბრტყელი მიწის მორწმუნეები” უწოდებენ “გუმბათს”, რომელიც არის დიდი შუშის სტრუქტურა და მოიცავს ყველა ცნობილ ტერიტორიას. თუმცა, მათ არ სჯერათ, რომ ზღვარზე გადასვლა ადვილია. ამჟამინდელი თეორია არის ის, რომ “ყინულის კედელს” იცავენ სამხედრო ძალები, რომლებიც ესვრიან ნებისმიერს, ვინც მათ მიუახლოვდება.

იდეას ამყრებს შეთქმულების თეორია, რომ სწორედ ამ მიზეზით თვითმფრინავებს არ შეუძლიათ ფრენა ანტარქტიდის თავზე.

უფრო მეტიც, მიუხედავად იმისა, რომ მათ ძირითადად სჯერათ ყინულის კედლის შეთქმულების თეორიის, არიან ისეთებიც, რომლებიც ამტკიცებენ, რომ ანტარქტიდა საერთოდ არ არის ყინულის კედელი, არამედ უსასრულო სიბრტყის ცენტრია.

4. ილუმინატები და ანტრაქტიდა

ილუმინატები (ძლევამოსილი ადამიანების ჯგუფი, რომლებიც ფარულად აკონტროლებენ სამყაროს) ყველა ჩვენგანს უმალავენ უცხოპლანეტელებს, უძველეს უცხოპლანეტელ პირამიდებს და ცარიელ დედამიწას. ინტერნეტ შეთქმულების თეორეტიკოსები ამტკიცებენ, რომ ვიღაც შემთხვევითი მკვლევარი, სახელად კლიფ ჰაი-ს ფლობს შიდა ინფორმაციას, რომ კლიმატის ცვლილება და მაგნიტური პოლუსების ცვლილებები გამოიწვევს მტკიცებულებების აღმოჩენას: როგორც კი ყინული გამკვრივდება ახალ სამხრეთ პოლუსზე, ილუმინატები ვეღარ დამალავენ მას.

5. ანტრაქტიდა სინამდვილეში ატლანტიდაა

ატლანტიდის გარშემო არსებული შეთქმულების თეორიები ამტკიცებენ, რომ მითიური ქალაქი იყო მოწინავე მეცნიერებისა და ტექნოლოგიების ცენტრი, რომელიც ჩაიძირა სტიქიის შედეგად.

ოპერაცია “ყინულის ხიდი” არის მისია, რითაც NASA ცდილობს შექმნას გრენლანდიისა და ანტარქტიდის დეტალური 3D რუკა, რათა უკეთ თვალყური ადევნოს კლიმატის ცვლილების შედეგებს.

შეთქმულების თეორეტიკოსები, რომლებმაც შეისწავლეს IceBridge-ის ფარგლებში გადაღებული ფოტოები, ამტკიცებენ, რომ მათ იპოვეს აბსოლუტური მტკიცებულება იმისა, რომ მითიური ქალაქი ანტარქტიდაშია. ისინი ასევე ამბობენ, რომ 1513 წელს თურქი ადმირალის პირი რეისის მიერ შედგენილი რუკა არის საბოლოო მტკიცებულება იმისა, რომ ატლანტიდა იყო კონტინენტის ადგილზე. თუმცა, მეცნიერები თვლიან, რომ ქალაქი სხვა არაფერია, თუ არა მითი.