მე ღარიბი ქოცების გამკვირვებია, ამას რომ ეგუებიან და ბოლდებიან ღირსების აღდგენის ლოზუნგით, – აღნიშნულის შესახებ “ფორმულას” ჟურნალისტი, ვახო სანაია სოციალურ ქსელში პოსტს აქვეყნებს.
“წარმოვიდგინოთ ტიპი, რომელიც საბჭოთა კავშირის დროს, ასე 80-იანი წლების ბოლოს, რაღაც ქარხანას ხელმძღვანელობდა და კარგად ჭრიდა ფულს. გადასარევად ცხოვრობდა. უკვე აღარც ქონების აფიშირებას ერიდებოდა, საქმეებიც გადასარევად მისდიოდა. ასეთი ბევრი იყო. მერე ის კაი ქვეყანა დაინგრა. საქართველო დამოუკიდებელი გახდა. მანდ ცოტა გაურკვევლობაში აღმოჩნდა. ერთი მხრივ, ფული უნდა შეენარჩუნებინა, მეორე მხრივ, ბოლომდე ვერ გაიგო, როგორ გაგრძელდებოდა ცხოვრება. მალე ქვეყანაში ყველაფერი აირია – ომი, უბედურება, შეიარაღებული ხალხის თარეში. ამ მღვრიე წყალში, მარიფათი გამოიჩინა, დროც იხელთა და უფრო დიდი ქონება ჩაიგდო ხელში.
და აი მოვიდა ბიძინა. აი აქ კი ისევ აიმაღლა ხმა და დაიწყო მოყოლა, როგორ წაართვეს ყველაფერი. იმ ქონებაზე ამბობს, რომელიც ვითომ ბაბუამისმა დაუატოვა და ხალხის ხარჯზე არ ჰქონდეს ნაშოვნი. არადა აღვწერეთ უკვე, როგორ შერჩა ძირითადი ნაწილი იმისა, რაც მოსახლეობას წაღლიტა. ერთი სიტყვით, მიხვდა, რომ ქონების ახალი გადანაწილება იწყებოდა და მენტალურად მისთვის ახლობელი ხალხი აღმოჩნდა სათავეში. ფიქრობს გულში, ბიძინამაც ხომ იშოვა რუსეთში იმ არეულ დროს, ალბათ გავუგებთ ერთმანეთს. გაუგეს კიდეც. გადმოეწყო ახალ ტალღაზე. მთავარი იყო, ხმამაღლა ეყვირა – გაუმარჯოს ახალ მთავრობას ! ემტკიცებინა, როგორ წაართვეს ყველაფერი. მეტი არც არაფერი იყო საჭირო. მიდგა-მოდგა და ჩაჯდა სქემებში. გაახსენდა ძველი დრო, შვილს რჩევებს აძლევს, რა და როგორ მოიპაროს, ვის დაუმეგობრდეს, ვის აგინოს. ყველაფერი ისევ ჯიგრულ-ქართულ პონტში წყდება.
მოკლედ, ეს კატეგორია ყოველთვის კარგად იყო. უნდათ ახლა ამათ ცვლილებები და ქონების ახალი გადანაწილება ? რა თქმა უნდა – არა.
მე ღარიბი ქოცების გამკვირვებია, ამას რომ ეგუებიან და ბოლდებიან ღირსების აღდგენის ლოზუნგით. ღირსების აღდგენა კი არა, უფრო გამდიდრების წყურვილი ჰქვია მაგ ამბავს ისევ თქვენს ხარჯზე. ნუ ბოლდებით, არასდროს ყოფილა ეგ კატეგორია ცუდად. რა თქმა უნდა, არსებობდნენ ისეთებიც, რომელთაც მართლა ცუდად მოეპყრდნენ, მიუხედავად იმისა, რომ მართლა მოპარული ჰქონდათ ის ფული. ოღონდ ამ სტატუსში მე ფართო სურათზე ვწერ.
მოკლედ, ისევ მათი მთავრობაა ახლა. ეგეთია დღევანდელი ქართული ბიზნესი, მთავრობა და ჩვენც ისეთი ვართ, როგორიც ვართ – ქოციან-ნაციან-შუაშისტიან-არავისტიანად.
ნაცნობებიც გეყოლებათ, მეგობრებიც. წინა ხელისუფლების დროს დაბადების დღეს მაგარ აგარაკზე რომ გადაიხდიდნენ სადმე თბილისის შემოგარენში. ვა, ეს საიდან ? მამაჩემი რომ იქ მუშაობდა, ბაბუაჩემი რომ ბიზნესში იყო და ეგეთები. ხვდები, რომ ეს ხალხი ისევ გადასარევად იყო. მერე იმ დაბადების დღეზე უცებ გაიჩითებოდნენ – ყოფილი ხელისუფლების მაღალჩინოსნების შვილები და მაშინდელი ხელისუფლების წარმომადგენელთა შვილებიც. ჯიგრულად იყვნენ ერთმანეთთან. დალაგებული იყო ყველაფერი.ზღაპარია, რომ ეგენი ცუდად იყვნენ წინა ხელისუფლების დროს”, – წერს სანაია.
მსგავსი სტატიები:
“ხელისუფლებას და მის მხარდამჭერ ოპოზიციას ამომრჩევლის მხოლოდ 30% ენდობა”
ოქრუაშვილი: “დროზე ჩამოდი, 9 ივნისს სასამართლო პროცესი ჩაგინიშნეთო”
“წულუკიანი მარსზე ცხოვრობს ?!” – ვახო სანაია
“თუ საქართველოს მოსახლეობის 47%-მა ხმა მისცა უმუშევრობას, სიღარიბეს, ტვინების გადინებას”…..
პრემიერი პატიმარს რომ ემუქრება, თუ ჭკუით არ იქნები მუხლებს დაგიმატებთო, მეგრულ-აფხაზური ზრდილობაც არ მეყოფა თქვენთან პატივისცემით სასაუბროდ-ნანა გეგეჭკორი
”დავით მჟავანაძე თავის სათქმელს და გასაკეთებელს ყოველთვის შეძლებს..თავისუფლება დათოს” – ირმა გორდელაძე
მშიერი მოსახლეობა და შელამაზებული პარკები-ოზურგეთში ერთ ერთი პარკის რეაბილიტაცია 3 მლ. ლარამდე დაჯდება
მაშინ, როდესაც ჩვენი ქმედებებით ვზრდით პოლიტიკურ კულტურას, ჩვენი ოპონენტები “ტრიპაჩით” არიან დაკავებული – წილოსანი