მარგვეთისა და უბისის ეპისკოპოსი მელქისედეკი (ხაჩიძე) აცხადებს, რომ ბუჩაში დატრიალებული ტრაგედია 21-ე საუკუნეში არსებული ფაშიზმის და ნაციზმის შედეგია.
როგორც ეპისკოპოსი აღნიშნავს, თუ უკრაინაში რუსული ბოროტების მანქანა არ შეჩერდება, ხვალ ჩვენი და სხვა ქვეყნების რიგი დადგება.
“შეუძლებელია იმ ტრაგედიის აღწერა, რომელიც ბუჩაში დაატრიალეს რუსულმა საოკუპაციო ძალებმა. ესაა ჩვენს თვალწინ, ოცდამეერთე საუკუნეში არსებული ფაშიზმისა და ნაციზმის შედეგები. ამ ყველაფრის ჩამდენებსა და მხარდამჭერებს შეუძლებელია რაიმე საერთო ჰქონდეთ არათუ ქრისტიანობასთან, არამედ ნებისმიერ ადამიანურ თვისებასთანაც კი. ეს რუსული საოკუპაციო ძალების ხელწერაა. მათ იგივე გააკეთეს აფხაზეთში, სამაჩაბლოში, ჩეჩნეთსა და სირიაში, იგივეს აკეთებენ ახლა- უკრაინაში და იგივეს გააკეთებენ ხვალ-სხვაგან.
თუკი დღეს, უკრაინაში არ შეჩერდება რუსული ბოროტების მანქანა, ხვალ ჩვენი და სხვა ქვეყნების რიგი დადგება და ნურავის ექნება იმის ილუზია, რომ მის სამშობლოში შესული რუსული ჯარები ბუჩასგან განსხვავებულად მოიქცევიან. უკრაინა არაა დამნაშავე, უკრაინა არ ისჯება ცოდვებისთვის, ეს რუსული საოკუპაციო ჯარები არიან, რომლებიც საკუთარი ცოდვების სხვებზე გადაბრალებით ცდილობენ გამართლებას. ნუ ავყვებით მტრის პროპაგანდას და ვილოცოთ, რომ უკრაინასა და საქართველოში მალე დასრულდეს რუსული ოკუპაცია“, – წერს ეპისკოპოსი.
უსმა სამხედროებმა მხოლოდ ბუჩაში 300-ზე მეტი უკრაინელი მშვიდობიანი მოქალაქე მოკლეს. დაღუპულების დიდი ნაწილი მასიურ სასაფლაოზე იპოვეს, ნაწილი კი ქალაქის ქუჩებში.
მსგავსი სტატიები:
“ბიძინა ივანიშვილმა საარჩევნო ოქმები „გააპრავა“,მელიას დაჭერა „გააპრავა“”
ექსკლუზივი: გურიის გუბერნატორად გიორგი ურუშაძე ინიშნება
“გრიგოლეთშიც დაიწვა სამი სახლი… ჯიპების ნაცვლად გამართული სახანძროები იყიდეთ, პროტესტიც ნაკლები იქნება”
“აიცერი და მოიგეს” პირველი გამარჯვებულები ცნობილია, მათ შორის ოზურგეთელიცაა
“ლიეტუვას ნაციონალურ ბიბლიოთეკაში ქართული წიგნის კუთხე გაიხსნა”-გიორგი კეკელიძე
ივანიშვილი- ღარიბაშვილი ჩემთვის არ იყო ავტორიტეტი
პანდემიური კურიოზი -წყვილმა ქორწილი და შვილის ნათლობა ერთ დღეს გადაიხადა
ლავროვის ქალიშვილს 4.4 მილიონი ფუნტის ღირებულების სახლი ჩამოართვეს