„მთავარი არხის“ გენერალური დირექტორის მოადგილე, გიორგი გაბუნია აცხადებს, რომ ნიკა გვარამიასთან დაკავშირებით გამოტანილ განაჩენს ისინი ელოდებოდნენ. გიორგი გაბუნიას თქმით, ტელევიზია ჩვეულებრივად განაგრძობს მუშაობას.
„სამწუხაროდ, მოულოდნელი არ იყო ეს გადაწყვეტილება სასამართლოსგან. დღეს კიდევ ერთხელ დამტკიცდა, რომ ჩვენ ქვეყანა არ გვაქვს. არც ენა, არც მამული და არც სარწმუნოება აღარ არის ჩვენი ქვეყნის გამაერთიანებელი ნიშნები.
ჩვენ ვაგრძელებთ ბრძოლას უფრო მეტად, ვიდრე აქამდე. ახლა კიდევ ერთი მიზეზი გვაქვს, რომ ვიბრძოლოთ თავისუფლებისთვის ბოლომდე. „მთავარი არხი“ გააგრძელებს ჩვეულებრივად მუშაობას. ნიკას დამსახურებაა, რომ ჩვენ ყველას შეგვიძლია აწყობილი საათივით მუშაობა. ერთადერთი რა პრობლემაც გვაქვს, ეს არის მხოლოდ ფინანსები და ესეც მხოლოდ ქვეყნის პრობლემიდან მოდის, იმიტომ რომ ჩვენს ქვეყანას აღარ აქვს ეკონომიკა და ჩვენს მოხრჩობას წლების განმავლობაში სწორედ ფინანსური პრობლემებით ცდილობენ“,- განაცხადა გიორგი გაბუნიამ.
ცნობისთვის, ნიკა გვარამიას 3 წლითა და 6 თვით თავისუფლების აღკვეთა მიესაჯა. განაჩენი რამდენიმე წუთის წინ, თბილისის საქალაქო სასამართლოს მოსამართლემ გამოაცხადა.
მსგავსი სტატიები:
IRI: არჩევნებმა ვერ დააკმაყოფილა საკონსტიტუციო ცვლილებებით დაწესებული ახალი სტანდარტები
შალვა ნათელაშვილმა ცესკო-ს მეორე ტურიდან მისი კანდიდატურის მოხსნაზე მიმართა
მიშელის ინიციატივით ხელისუფლებისა და ოპოზიციის შეხვედრა მიმდინარეობს
თავისუფლება მიშას – ბანერი აჭარის უმაღლესი საბჭოს ეზოში
დარჩიაშვილი: თუ მიშა წავა, ჩემი ერი მოკვდება
“ბიუჯეტის გეგმა გადაჭარბებით შესრულდა”-ფინანსთა მინისტრი
გომელაურს მაგარი მინისტრია, წიაღი იცის კარგად – კახაძე
„გამარჯობა, მიხაილ ნიკოლაევიჩ, ეს ვალოდია ზელენსკია“ – მიხეილ სააკაშვილი ზელენსკის გაპრეზიდენტების შემდეგ, პირველ კომუნიკაციას იხსენებს