“მეფე ხელშეუხებელი პერსონა არ არის, ჩვეულებრივი პოლიტიკოსია” – ამ სიტყვებით დავით გორგილაძე სოციალურ ქსელში ლევან ბერძენიშვილის მიერ ერეკლე II-ის შესახებ გაკეთებულ განცხადებას ეხმაურება.
გორგილაძე აღნიშნავს, რომ მაშინ, როდესაც მოსწავლეებს “გაქვავებულ ისტორიას” ასწავლიან, მნიშვნელოვანია, ლევან ბერძენიშვილის მსგავსმა ადამიანებმა საკუთარი მოსაზრებები ღიად გამოთქვან.
“ძალიან მეზარება ეს ყველაფერი, მაგრამ რაღაი არ იშლიან, თავ ზემოთ ძალა არ არის.
მეფე ხელშეუხებელი პერსონა არ არის.
ჩვეულებრივი პოლიტიკოსია. თუკი შეიძლება შევარდნაძის, გამსახურდიას ან სააკაშვილის კრიტიკა, იმავე წარმატებით შეიძლება მეფისაც.
მითუფრო მეფის, რომელმაც ამ ქვეყნის ისტორიაში გარდამტეხი გადაწყვეტილება მიიღო (კარგი თუ ცუდი, ამაზე დავა შეიძლება დიდხანს და ამაოდ).
სინამდვილეში, ამ ჩვენს სტერილურ და გაქვავებულ ისტორიაში, როცა მასწავლებლები მკვდრადშობილ, ნაფტალინიდან ამოღებულ ფრაზებს უყრიან საკენკად მოსწავლეებს, მისწრებაა Levan Berdzenishviliს მსგავსი ადამიანები, ვინც ბასრად და ალესილად, მაამებლობის გარეშე ამბობენ საკუთარ აზრს (ეთანხმებით თუ არა, სხვა საქმეა).
და 1798 წელს გარდაცვლილი მონარქის დასაცავად რომ გამოდის ხალხი და გაჰყვირის “მეფე, მეფე!!!” – ეს, გარდა იმისა რომ კომიკურ მდგომარეობაში აყენებს ამ ადამიანებს, მაინცდამაინც კარგად არც თანამედროვე საზოგადოების სიჯანსაღეზე ამბობს რამეს.
ისე კი, წარმომიდგენია რას იტყოდა თვითონ ერეკლე მაგ ხალხზე. ისე, კახურად, ჯიგრულად”,- წერს დავით გორგილაძე.
მსგავსი სტატიები:
“ერთხელაც-ქვეყანა თუ სახელმწიფო?”
“პარლამენტში ჯდომას ფასი დაადეთ ოპოზიციავ, თორემ ჯერ თქვენ გამოგაპანღურებთ მაქედან და მერე ვიფრენთ ქოცებს”
რატომ დატოვა “ქართული ოცნება”- გიორგი გახარია პარტიიდან წამოსვლის მიზეზებზე
“ვინც საარჩევნო დარღვევებზე ინფორმაციას მოგვაწვდის…“მთავარი არხისგან” 1000 ლარს მიიღებს”– ნიკა გვარამია
დედამიწისკენ ორი “პოტენციურად საშიში” ასტეროიდი მოფრინავს
რასმუსენი: 2008-ში საქართველო-უკრაინას NATO-ში ადგილს დავპირდით, დროა პირობა შევასრულოთ
სამთა კავშირი – პუტინის რუსეთის წინააღმდეგ გაერთიანებული ევროპა – რას ფიქრობს მიხეილ სააკაშვილი
რუსეთი უკრაინის “დენაციფიკაციასა” და “დემილიტარიზაციას” აღარ ითხოვს – The Financial Times