ადვოკატის განმარტებით, კომპენსაციის მოთხოვნის საფუძველი დარღვეული ხელშეკრულებაა.
“ნიკა გვარამიას რუსთავი 2-თან აკავშირებდა სასამსახურო ხელშეკრულება, რომლის თანახმადაც მისი თანამდებობიდან გათავისუფლება 2020 წლის 31 დეკემბრამდე იყო აკრძალული იმიტომ, რომ ამ ვადით იყო დანიშნული. ნიკა გვარამია ქიბარ ხალვაშის მიერ გათავისუფლდა თანამდებობიდან ამ ხელშეკრულების მოთხოვნათა უხეში დარღვევით, რის გამოც წარმოეშვა 5 მილიონ აშშ დოლარის მოთხოვნის უფლება. ეს არის ზიანი, რაც მას მიადგა რუსთავის 2-ის მხრიდან ხელშეკრულების დარღვევით. ვინც არის დაზარალებული ამ შემთხვევაში, ეს არის ნიკა გვარამია. ჩვენ გადავწყვიტეთ, ოფიციალურად წერილობით ვაცნობოთ რუსთავი 2-ს ჩვენი პოზიცია და დაველოდოთ პასუხს”, – აღნიშნა საძაგლიშვილმა.
2019 წლის ივლისში ადამიანის უფლებათა ევროპული სასამართლოს გადაწყვეტილების შემდეგ რუსთავი 2-ის მფლობელი ბიზნესმენი ქიბარ ხალვაში გახდა. ხალვაშმა გვარამია ტელეკომპანიის გენერალური დირექტორის თანამდებობიდან გაათავისუფლა. მოგვიანებით, საინფორმაციო სამსახურის ხელმძღვანელი ნოდარ მელაძე და არხის სხვა ჟურნალისტები, ნანუკა ჟორჟოლიანი, ეკა კვესიტაძე, გიორგი ლაფერაშვილი და გიორგი გაბუნია.
მაისში თბილისის საქალაქო სასამართლომ მელაძისა და ჟორჟოლიანის გათავისუფლება უკანონოდ ცნო და რუსთავი 2-ს კომპენსაციის გადახდა დააკისრა.
მსგავსი სტატიები:
10 ქვეყანა, საიდანაც 2020 წელს ყველაზე მეტი ფულადი გზავნილი შემოვიდა
გართულებული კოვიდსიტუაციის პირობებში, ოზურგეთში 100 კაციანი სუფრა გაშალეს
ჭიათურაში გედებს, რომლებიც ძაღლებმა დაკბინეს, ჭრილობები პირბადით შეუხვიეს
“ჩაიარა შტადლერის ახალმა მატარებელმა, აქეთ დენდროლოგიური, მუსიკოსების პარკი” – მინისტრი “ნათელ ცვლილებებზე”
ესენი ევროპარლამენტარებს არ უშვებენ გლდანის ციხეში და სააკაშვილს გამოუშვებენ იქიდან? – ნიკა გვარამია
“ეს წელი ძალიან მნიშვნელოვანი წელია, ბევრი რამ უნდა შევძლოთ ერთად, ბევრ რამეს უნდა ჩავუყაროთ საფუძველი, ბევრი უნდა ვიყოთ – ერთად და მტკიცედ”-მელია
დღეს მიხეილ სააკაშვილის სასამართლო პროცესი გაიმართება
შუა ხნის კაცი ცეცხლსასროლი იარაღიდან გასროლით მოკლეს