საქართველოს პრეზიდენტი სალომე ზურაბიშვილი 20 ივნისის აქციის ორგანიზატორებს მიმართავს, გადადონ აქცია, რომელიც მისივე თქმით, “ბევრ საფრთხეს უკავშირდება”.
ამასთან, ზურაბიშვილი ამბობს, რომ თუ აქცია ჩატარდება, “ყოველივე ექსცესზე პასუხისმგებელი ხელისუფლება იქნება”.
“მივმართავ 20 ივნისის ორგანიზატორებს, რომ თუ დაფიქრდებიან, შეიძლება გადაიდოს ეს გამოსვლა, რომელიც ბევრ საფრთხეს უკავშირდება. ახლა, ჩემი აზრით, არ არის დრო პოლიტიკური ამბიციების გამოჩენის და საზოგადოების დაყოფის და გახლეჩის. ამავდროულად, ვაფრთხილებ ხელისუფლებას, რომ თუ მაინც ჩატარდა და ჩემი გადასაწყვეტი არ არის, თუ მაინც ჩატარდა ეს პროტესტი, ყოველივე ექსცესზე ხელისუფლების პასუხისმგებლობა იქნება, რამეთუ დემონსტრირების უფლება უნდა იყოს დაცული და უზრუნველყოფილი. ახლა ჩვენი ერთობის და მხოლოდ ერთობის დროა, თუ ამას შევიგნებთ ეს იქნება ძალიან მნიშვნელოვანი”, – ამბობს ზურაბიშვილი.
“შინ ევროპისკენ!” – ამ სახელწოდებით, მოძრაობა სირცხვილიას ორგანიზებით, 20 ივნისს, 20:00 საათზე თბილისში მარში გაიმართება.
მათი ცნობით, აქციაზე შეკრებილ მოქალაქეებს სიტყვით მიმართავენ სამოქალაქო საზოგადოების, უკრაინის ხელისუფლებისა და ევროკავშირის წარმომადგენლები. 21:00 საათზე კი აქციის მონაწილეები მსვლელობით გაემართებიან ევროპის მოედნისკენ, სადაც ღონისძიების დასკვნითი ნაწილი გაიმართება.
მსგავსი სტატიები:
“ცხრა წელი ერთ პარტიას კი არა, ცოლი ქმარს არ უერთგულებს”- ენმ-ის წევრი
„მსგავსი მაისურით გამოცდებზე არ დაიშვებით“ – მოქმედებს თუ არა დრესკოდი ეროვნულ გამოცდებზე?
NCDC: “ზაფხულის ცხელი დღეები შესაძლოა, სიკვდილის მიზეზიც კი გახდნენ”
რა ფოტოებს ავრცელებს მანანა მანჯგალაძე სოფელ შრომიდან
“არც ერთი შიში არ ამართლებს იმ საშიშროებასთან შეგუებას, რაც შეიძლება მოხდეს”-ფანჯიკიძე სააკაშვილის ჰოსპიტალიზაციაზე
სოფელ ჯუგაანში 68 წლის ქალი მოკლეს
NGO-ები: საქართველოს მთავრობამ დასავლეთის მხარდამჭერი მკაფიო პოზიცია უნდა დაიკავოს
ჩემი შვილის დაანონსებულ სიკვდილს ვუყურებ – გიული ალასანია