შინაგან საქმეთა სამინისტროს სტრატეგიული კომუნიკაციების დეპარტამენტი გუდაურში მომხდარ ტრაგედიასთან დაკავშირებით განცხადებას ავრცელებს და ამბობს, რომ ყოველი აფრენისას ვერტმფრენი მოწმდება და დაუშვებელია, ტექნიკურად გაუმართავი ვერტმფრენი პილოტებმა დაძრან და მართონ.
უწყება ამბობს, რომ 2019 – 2022 წლებში სასაზღვრო პოლიციის ავია პარკი სრულად განახლდა
“პირველ რიგში, აღსანიშნავია, რომ ბორტზე მყოფი მფრინავები და ბორტ-ტექნიკოსები: პოლკოვნიკი ზაზა ლორია, ვიცე- პოლკოვნიკი ლევან ჩოხელი, მაიორი დიმიტრი ქააძე და ლეიტენანტი ანდრო ქუჯოშვილი თავისი საქმის მაღალი დონის პროფესიონალები იყვნენ. ბორტს მართავდა, შინაგან საქმეთა სამინისტროს სასაზღვრო პოლიციის სპეციალური დანიშნულების ავიაციის მთავარი სამმართველოს უფროსის მოადგილე, საფრენოსნო მომზადების დარგში, პოლკოვნიკი ზაზა ლორია, რომელიც 1992 წლიდან გახლდათ მფრინავი და წლების განმავლობაში მეთაურობდა შვეულმფრენების ესკადრილიას.
პოლკოვნიკი ზაზა ლორიას ხელმძღვანელობით, წლების განმავლობაში, განხორციელებულა ბევრი, რთული სამაშველო ოპერაცია და მას უამრავი ადამიანი ჰყავს გადარჩენილი.
აღსანიშნავია, რომ სასაზღვრო პოლიციის სპეციალური დანიშნულების ავიაციის მთავარი სამმართველოს ბაზაზე ვერტმფრენის ყოველი აფრენის დროს დეტალურად ხდება ვერტმფრენის შემოწმება და დაუშვებელია, რომ ტექნიკურად გაუმართავი ვერტმფრენი პილოტებმა დაძრან და მართონ.
აღსანიშნავია, რომ 2019 – 2022 წლებში სასაზღვრო პოლიციის ავია პარკი სრულად განახლდა, რაც გულისხმობს, რომ ყველა ვერტმფრენი რეგლამენტირებული, გამართული და განახლებულია”, – აღნიშნულია განცხადებაში. ცნობისთვის, გუდაურში ტრაგიკულად დაღუპულების სამოქალაქო პანაშვიდი სამშაბათს, 2 აგვისტოს, სამების საკათედრო ტაძარში გაიმართება.
მსგავსი სტატიები:
,,ჩავუსაფრდი და ვუთხარი, რომ…”
2020 წელს საქართველოში 4 999 ავტოსაგზაო შემთხვევა მოხდა, დაიღუპა 450 ადამიანი
საქართველოში შესაძლოა, ახალი უქმე – „მამის დღე“ დაწესდეს
“ახლა სოფლებში ის დრო დგებოდა, როცა ბიჭებს ოზურგეთიდან ჩამოსული გოგოები გვიყვარდებოდა”
საქართველოში როგორც ერთჯერადად, ასევე ორჯერადად აცრილთა შორის კორონავირუსით ინფიცირების შემთხვევები დაფიქსირდა
PCR ტესტის ყალბი პასუხის დამზადებაზე 2 პირი ამხილეს, მათგან 1 დაკავებულია
პალეონტოლოგებმა ადამიანის ახალი სახეობა აღმოაჩინეს
ქორწილის ნაცვლად იზოლატორში – 20 წლის გოგოს მოტაცების ფაქტზე 2 პირი დააკავეს