“ქვეყნიდან უპრეცედენტო მოცულობის ახალგაზრდა სამუშაო ძალის გადინება ხდება, მათ შორის საჯარო სექტორიდან”

მიმდინარე წელს ინფლაციისა და გასული ორი პანდემიური მძიმე წლის გათვალისწინებით გააქტიურდა საუბრები, რომ საქართველოს დასაქმების მიზნით სულ უფრო მეტი ადამიანი ტოვებს. სამუშაო ძალის მიგრაცია პარტია „საქართველოსთვის“ წევრმა, ბექა ლილუაშვილმა „ანალიტიკაში“ დემოგრაფიულ ჭრილში განიხილა და თქვა, რომ აღნიშნული რეალობა ქვეყნისთვის სისტემური გამოწვევაა, რამაც შესაძლოა დიდი პრობლემები წარმოშვას.

„ჩვენ ახლა სისტემური გამოწვევის წინაშე ვდგავართ და ეს გამოწვევა დემოგრაფიული ნაწილია. რეალურად ჩვენი ქვეყნიდან უპრეცედენტო მოცულობის ახალგაზრდა სამუშაო ძალის გადინება ხდება, მათ შორის საჯარო სექტორიდან. დასაქმებულ ადამიანებზე მაქვს საუბარი.

ამას თუ ყურადღება არ მოვაქციეთ, ჩვენ რეალურად ძალიან მალე ე.წ. ევროპული ოჯახის ქვეყნების დაავადების წინაშე აღმოვჩნდებით, როდესაც შედარებით თანამედროვე წევრები ევროპული ოჯახის სამუშაო ძალისგან დაიცალა და მათ [სახელმწიფოს/კერძოს სექტორს] შემდეგ სერიოზული ფისკალური სტიმულების მიცემა მოუწია სამუშაო ძალის აღდგენისთვის. ჯობია ეს დასაწყისშივე სწორად ვმართოთ, რომ მერე ამ შედეგების გამოსწორება უფრო ძვირი არ დაგვიჯდეს“, – ამბობს იგი.

ცნობისთვის, ზუსტი სტატისტიკური მონაცემი ემიგრაციაში წასული ადამიანების შესახებ არ არსებობს, რადგან ხშირია შემთხვევები, რომ ისინი ტურისტულად ან სხვა არაკანონიერი გზებით შედიან ქვეყნებში და წლობით რჩებიან, თუმცა სხვადასხვა კვლევის მიხედვით შეგვიძლია ვთქვათ, რომ საქართველოდან ემიგრაციაში წასული ადამიანების რაოდენობა შესაძლოა მილიონს აჭარბებდეს.

გააზიარეთ და მოიწონეთ სტატია:

მსგავსი სტატიები:

ისტორიული და გამოგონილი პერსონაჟების “რეალური” გამოსახულებები ეკლესიისადმი მედია სიძულვილის ენით მეტყველებს- ილია მეორე ევროპული საბჭოს პრეზიდენტმა შარლ მიშელმა პოლიტიკური შეხვედრები დაიწყო დვაბზუს საჯარო სკოლის კლუბ „საფიხვნოს“ წევრებმა, საერთაშორისო პროექტის ფარგლებში, კედლის გაზეთი დაამზადეს მიხეილ სააკაშვილთან მისი პირადი ექიმი შეუშვეს რომელ ავტომობილებზე გახდება კატალიზატორის ქონა სავალდებულო 2022 წლიდან ”საერთოდ ქვეყნის სტატუსი გვაქვს თუ იცით?!” – კახა ასკურავა კვირა მსოფლიოში: ომის შესაძლო თარიღი, ერთიანობის დღე კიევში, ლუგანსკის დაბომბვა