რუსეთი აგრძელებს ჩვენი ქვეყნის ოკუპაციას, გვიწევს პროვოკაციების თავიდან აცილება – ირაკლი ღარიბაშვილი

„რუსეთი აგრძელებს ჩვენი ქვეყნის ოკუპაციას, მას შემდეგ ჩვენ გვიწევს ძალიან ბევრი პროვოკაციების თავიდან აცილება და პროცესის მართვა, რომელიც უკავშირდება ბორდერიზაციას და სხვა ძალიან ბევრ პრობლემას“, –  ამის შესახებ საქართველოს პრემიერ-მინისტრმა ირაკლი ღარიბაშვილმა, გერმანიის ფედერაციული რესპუბლიკის კანცლერ ოლაფ შოლცთან ერთად გამართულ პრესკონფერენციაზე განაცხადა.

პრემიერმა ისაუბრა უკრაინის მიმართ საქართველოს მხარდაჭერაზე და აღნიშნა, რომ საქართველო ყველაფერს აკეთებს უკრაინის დასახმარებლად, თავისი შესაძლებლობების ფარგლებში.

„ჩვენ ვიმყოფებით ძალიან რთულ ვითარებაში, რთული დრო გვაქვს დღეს არა მხოლოდ რეგიონში, არამედ მთელ მსოფლიოში, ვინაიდან, რუსეთის გაუმართლებელი აგრესიის და ფართომასშტაბიანი ომის შემდეგ უკრაინაში სიტუაცია რადიკალურად შეიცვალა, მათ შორის ჩვენს რეგიონშიც, მაგრამ როგორც თქვენ აღნიშნეთ, საქართველო იყო პირველი, რომელმაც გამოცადა ასეთი ომი 2008 წელს და მას შემდეგ, მოგეხსენებათ, რომ ჩვენი ქვეყნის მნიშვნელოვანი ნაწილი, 20% ტერიტორიის არის ოკუპირებული. რუსეთი აგრძელებს ჩვენი ქვეყნის ოკუპაციას, მას შემდეგ ჩვენ გვიწევს ძალიან ბევრი პროვოკაციების თავიდან აცილება და პროცესის მართვა, რომელიც უკავშირდება ბორდერიზაციას და სხვა ძალიან ბევრ პრობლემას.

მე, ასევე, მინდა ასევე ვთქვა, რომ ჩვენ მაქსიმალური მხარდაჭერა აღმოვუჩინეთ უკრაინას, ჩვენ ვართ სოლიდარულები მათ მიმართ, გავაგზავნეთ 1000 ტონაზე მეტი ჰუმანიტარული ტვირთი, როგორც თქვენ აღნიშნეთ, მხარი დავუჭირეთ ძალიან ბევრ რეზოლუციას, მხარდამჭერ განცხადებას უკრაინის მიმართ და ვაკეთებთ მაქსიმუმს, რაც შეგვიძლია, ჩვენი შესაძლებლობების ფარგლებში“, – განაცხადა პრემიერმა.

გააზიარეთ და მოიწონეთ სტატია:

მსგავსი სტატიები:

ვინ არის ლანჩხუთელი ბიჭი, რომელსაც სწრაფი ჩარიცხვის აპარატის ქურდობის გამო 2000 ლაიანი გირაო შეეფარდა საწვავზე ფასების ზრდის მოწინააღმდეგეებსა და პოლიციას შორის დაპირისპირება მოხდა საქართველოში როგორც ერთჯერადად, ასევე ორჯერადად აცრილთა შორის კორონავირუსით ინფიცირების შემთხვევები დაფიქსირდა PCR ტესტის ყალბი პასუხის დამზადებაზე 2 პირი ამხილეს, მათგან 1 დაკავებულია გურიის სატყეოს უფროსი თანამდებობიდან გაათავისუფლეს პალეონტოლოგებმა ადამიანის ახალი სახეობა აღმოაჩინეს რომ გამოგყავს ადამიანი და ეუბნები პროტესტი გვაქვს, უნდა დაიჭირო ქუჩა – ჩარკვიანი ”ამ რეალობაში მიშა ციხეში ნიშნავს,პუტინი დაძრწის საქართველოში სრულიად თავისუფლად”