შაბათის ფორმულას ინფორმაციით, საპატრულო პოლიციის დეპარტამენტის მაღალჩინოსნები, საკუთარ თანამშრომლებს აზარტული თამაშებისთვის ფულს სძალავენ.
შაბათის ფორმულას წყარო პოლიციიდან უყვება, რომ ფოთის და ზუგდიდის საპატრულო პოლიციის მაღალი თანამდებობის პირები აზარტულ თამაშებზე იმდენად არიან დამოკიდებულნი, რომ თანამშრომლებსაც ატერორებენ. მაღალჩინოსნები პატრულ ინსპექტორებს და სხვა დაბალი რანგის პოლიციელებს სხვადასხვა ოდენობის თანხის ბიზნესმენებისგან გამოძალვას და მათთან მიტანას აიძულებენ, სანაცვლოდ კი ბიზნესს ხელშეუხებლობას ჰპირდებიან.
ლუდომანიის სქემის სათავეში ფოთის საპატრულო პოლიციის უფროსი თორნიკე იზორიაა, ცნობილი ჩხოროწყუელი ბიზნესმენის ჯუმბერ იზორიას შვილი. ჯუმბერ იზორიამ საზოგადოებას თავი მის მიერ ჩხოროწყუს ცენტრში გახსნილი ძეგლით დაამახსოვრა. ამჯერად ლუდომანიის სკანდალში გახვეული თორნიკე იზორია გასულ წელს ძალადობის ბრალდებით იყო დაკავებული, თუმცა 3000-ლარიანი გირაოს სანაცვლოდ გათავისუფლდა და ისევ სამართალდამცავ სისტემაში მუშაობს.
ზუგდიდის საპატრულო პოლიციის უფროსის მოადგილემ, მალხაზ ხარჩილავამ, აზარტული თამაშების გამო, ბინაც გაყიდა.
კანონი საჯარო მოხელეებს აზარტულ თამაშებს უკრძალავს, ამიტომ პოლიციის მაღალჩინოსნებმა, სათამაშო ანგარიშები (ექაუნთები) სხვებზე გააფორმეს.
შაბათის ფორმულას ინფორმაციით, შინაგან საქმეთა სამინისტროში არსებული ვითარების შესახებ იცის გენინსპექციამაც, თუმცა არაფერს აკეთებს.
მსგავსი სტატიები:
Oxford/AstraZeneca-ს ვაქცინას 6-17 წლის ასაკის მოზარდებზე პირველად გამოცდიან
” ხელისუფლება ცდილობს საარჩევნო რეფორმის საფარქვეშ თავისი ინტერესების გამომხატველი ნორმები „გააძვრინოს“”
ავტომობილის მთვრალ მდგომარეობაში მართვაზე, მძღოლს მართვის უფლება 1 წლით შეუჩერდება
შსს პოლიციის მაიორმა დატოვა
“ვინც ინსპექტორის გაუქმებას აუწევს ხელს…ქართული სახელმწიფოებრიობის მტერია”-მიხეილ სააკაშვილი
”მარტო მსოფლიო მოდა არ შეცვალეს აფხაზმა ქართველებმა, დიპლომატიური ეტიკეტიც გადაახალისეს” – ზურაბ გურული
“გაზპრომი” უკრაინის გავლით ევროპისთვის გაზის მიწოდებას აგრძელებს
გათავისუფლება პოლიტიკური ნიშნით – საბავშვო ბაღის დირექტორები უზენაეს სასამართლოში ჩივიან