უკრაინაში ომის დაწყების შემდეგ, 2022 წლის 1-ლი მარტიდან 31 დეკემბრამდე საქართველოში რუსულ და ბელარუსულ მხარეთა მონაწილეობით ჯამში 20 371 ბიზნესი დარეგისტრირდა. საქსტატის მიერ „ბიზნესპრესნიუსისთვის“ მიწოდებული ინფორმაციის თანახმად, აქედან რუსულია 14 733, ბელარუსული – 5 358 ერთეული. დანარჩენი კი ორი ქვეყნის მოქალაქეების მიერ ერთობლივად დარეგისტრირებული ბიზნესებია, მათ შორის, საქართველო-რუსეთის, საქართველო-ბელარუსის და ა.შ.
ამასთან, 20 371 დარეგისტრირებული ბიზნესიდან 1 178 ერთეული შეზღუდული პასუხისმგებლობის საზოგადოებაა, 19 190 – ინდივიდუალური მეწარმე, ხოლო 3 უცხოური საწარმოს ფილიალია.
აღსანიშნავია, რომ საქართველოში დარეგისტრირებული რუსული და ბელარუსული კომპანიების დიდი ნაწილის შემთხვევაში საქმიანობის სფერო მითითებული არ არის. მითითებულ შემთხვევებში კი, ყველაზე მეტი სუბიექტი შემდეგ სფეროებში ოპერირებს:
- კომპიუტერული დაპროგრამების საქმიანობები – 886
- საინფორმაციო ტექნოლოგიების და კომპიუტერული მომსახურების სხვა საქმიანობები – 327
- საკონსულტაციო საქმიანობები კომპიუტერული ტექნოლოგიების დარგში – 96
- კომპიუტერული საშუალებების მართვის საქმიანობები – 87
- სარეკლამო სააგენტოების საქმიანობა – 24
- სხვა პროგრამული უზრუნველყოფის გამოცემა – 19
- სხვა განათლება, სხვა დაჯგუფებებში ჩაურთველი – 16
- რესტორნები და საკვებით მობილური მომსახურების საქმიანობები – 4
- გადაზიდვის მომსახურება – 3
- საინჟინრო საქმიანობები და მათთან დაკავშირებული ტექნიკური კონსულტირება – 2
მსგავსი სტატიები:
12 დეკემბერს საქართველოში კორონავირუსით 3 907 ადამიანი დაინფიცირდა, გარდაიცვალა 50
გურიაში დღეს კორონავირუსის 16 შემთხვევა დადასტურდა
“რომ არა 2012 წლის 1 ოქტომბერი, დღეს გვექნებოდა”…
“მერი, გუბერნატორი, გამოვიდნენ და ამ ხალხს პასუხი გასცენ რას უპირებენ”-საპროტესტო მსვლელობა ოზურგეთში
რა შედეგებამდე მიჰყავს TikTok-ზე განთავსებულ ვიდეოებს მოზარდები
გამოქვეყნდა მილიარდერ ქალთა სია, ვინც ქონება საკუთარი შრომით დააგროვეს
კაპროზუხუსი – 100 მილიონი წლის წინათ მცხოვრები გრძელფეხება ნიანგი, რომელიც შიშისმომგვრელი იყო
განადგურებულია პოლონეთიდან შემოტანილი 52 000 კილოგრამი ქათმის გაყინული ხორცი