ექსპრეზიდენტ, მიხეილ სააკაშვილის დედამ, გიული ალასანიამ კომენტარი გააკეთა „ვივამედის“ დირექტორის, ნინო ნადირაძის მიერ სასამართლოსთვის დღეს მიცემულ ჩვენებასთან დაკავშირებით.
„მე რაც მოვისმინე სასამართლოდან, იყო ლაპარაკი იმაზე, რომ საცივს მიირთმევს. ნამდვილად იყო ასეთი შემთხვევა ახალ წელს. მისთვის ძალიან ძვირფასმა ადამიანმა გამოუგზავნა საცივი. ძალიან ცოტა შეჭამა და მერე გაუნაწილა იქ ადამიანებს, მაგრამ შემდეგ, მეორე და მესამე დღეს სულ პირღებინება ჰქონდა. ეს არის ადამიანი, რომელსაც ჭამა უყვარს, მაგრამ ახლა ვერ ჭამს. თქვენი თავი წარმოიდგინეთ, მოწამლული როცა ხართ, როგორ შეჭამთ? ეს კი მუდმივად, რამდენი თვეა, მოწამლულია. ეს არის მიზეზი. რას ნიშნავს თავის დაზიანება, თავი როგორ უნდა დაეზიანებინა? ამდენ ხანს როგორ გაძლებს ადამიანი? 38 კილო აქვს დაკლებული. ეს რომ საცივს ჭამდეს ყოველდღე, როგორ დაიკლებდა? არ უნდა იყო ადამიანი ნორმალური, რომ სპეციალურად აკეთებდე და არ არის ასე საქმე, ამდენმა ფსიქიატრმა გასინჯა. მართლა ვერ ჭამს. ერთადერთი შემთხვევა იყო, როდესაც მოინდომა ნივრიანი პური და ცოტა გადავუსვი კარაქთან ერთად ცოტა ნიორი და ამას დააბრალეს გულის წასვლა. გულის წასვლა ხშირად ემართება და ნიორი რა შუაშია? პირველად გავიგე. ანეკდოტურ მდგომარეობაში ვართ “, – განაცხადა გიული ალასანიამ ჟურნალისტებთან.
ცნობისთვის, მიხეილ სააკაშვილის სასამართლო პროცესზე დღეს „ვივამედის“ დირექტორი, ნინო ნადირაძე დაიკითხა. მისი თქმით, საქართველოს ყოფილი პრეზიდენტი ახალ წელს კლინიკის პერსონალს საჭმლით გაუმასპინძლდა.
„ვივამედში“ ახალ წელს პერსონალს გაუმასპინძლდა საჭმლით. საცივი ჰქონდა, სალათი ოლივიე. გამახარა ჩემმა პერსონალმა, გემრიელად მიირთვა და ჩვენც გაგვიმასპინძლდაო. ერთად შეხვდნენ ისინი ახალ წელს… გარდა მაგისა, მამაოსაც შეჰქონდა. ხაჭაპურიც უჭამია. იმის თქმა რომ ჭამა არ შეუძლია, ეს ასე არაა… მე ვიცი, რომ სოფო ნიჟარაძის დედამ გაუკეთა საცივი, სოფოსგან მაქვს ეს დასტური. შემიძლია დაგიდასტუროთ“, – თქვა ნინო ნადირაძემ.
მსგავსი სტატიები:
“გახარია “ქართული ოცნების” ხმებზე დაჯდება”
“პანდემია გვიტევს და თუკი რაიმე პრობლემები დღეს არსებობს, ყველამ ძალები უნდა გავაერთიანოთ და გადავჭრათ”
“”ქართული ოცნება” ხელისუფლებაში ტყუილა ყოფილა და ამას ღარიბაშვილი პირადად ამბობს“ – ჭიჭინაძე
“მთავარი არხის” ოპერატორი კლინიკიდან გაწერეს | “ოცნების” შტაბში თავდასხმის შედეგად მან მენჯ-ბარძაყისა და ნეკნის მოტეხილობა მიიღო
“არ ვიცი, რომელ მტერს ელოდებიან” | გელათის მონასტერი დამთვალიერებლებისთვის ისევ დაკეტილია
“ძვლები სულ მტკივა, ძირს რომ დამაგდებდა,ზედვე მახტებოდა ხოლმე…მზად ვიყავი მომეკლა” – შვილის დაჭრაში ბრალდებულმა მოხუცმა მოსამართლეს დაზიანებები აჩვენა
ზელენსკის ადმინისტრაცია: საქართველოს მთავრობის გაურკვეველი, არამკაფიო პოზიცია ეჭვს იწვევს
სპეციალური საგამოძიებო სამსახური მიხეილ სააკაშვილთან დაკავშირებით განცხადებას ავრცელებს