“ვაცხადებთ,რომ…მსჯავრდადებული მიხეილ სააკაშვილი დღემდე არ ასრულებს ექიმების მიერ გაცემულ სამკურნალო რეკომენდაციებს….მოვუწოდებთ…შეასრულოს ექიმების მოთხოვნა და დანიშნულება”-ურთმელიძე

„გვინდა, კიდევ ერთხელ განვაცხადოთ, რომ მსჯავრდადებული მიხეილ სააკაშვილი დღემდე არ ასრულებს ექიმების მიერ გაცემულ სამკურნალო რეკომენდაციებს, უარს აცხადებს მედიკამენტების მიღებაზე, პარენტერალურ კვებასა და სამედიცინო მანიპულაციებზე. კიდევ ერთხელ მოვუწოდებთ მიხეილ სააკაშვილს, მისივე ინტერესებიდან გამომდინარე, გაითვალისწინოს ექიმების მოთხოვნა და შეასრულოს მათ მიერ მიწოდებული დანიშნულება“, – განაცხადა მალხაზ ურთქმელიძემ.

რაც შეეხება მსჯავრდადებულ მიხეილ სააკაშვილის მკურნალობის პროცესში პოლონელი ექიმების მონაწილეობის საკითხს, მალხაზ ურთქმელიძის თქმით, დღემდე სპეციალურ პენიტენციურ სამსახურში სრულყოფილი დოკუმენტაცია წარმოდგენილი არ არის.

„რაც შეეხება მკურნალობის პროცესში პოლონელი ექიმების ჩართვის საკითხს,  ამ დრომდე სპეციალურ პენიტენციურ სამსახურში სრულყოფილი, გამართული მოთხოვნა წარმოდგენილი არ არის“, – განაცხადა მალხაზ ურთქმელიძემ.