ლოტბარ აქვსენტი მეგრელიძისაგან ჩაწერილი გურული სიმღერების ტექსტები

ლოტბარ აქვსენტი მეგრელიძისაგან ჩაწერილი გურული სიმღერების ტექსტები (ჩონგურზე)

.

„ჩონგური ძილად მისვლისას:

.

ამა მანდილსა გიგზავნი, ოქრომკედით მოქარგულსა.

.

შიგ გაგიხვევ ჩემსა გულსა, შენგნით დამწვარ დადაგულსა.

.

.

ჩონგური იადონის ხმაზე:

.

იადონთა სადარო, ქვეყნად შუქმომფინეო,

.

ვარდისაებრ ფურჩქვნილო, თხოვნა მომისმინეო,

.

ლახვარს მასობ გულზედა, მიკვირს, რა გაწყინეო,

.

მიხლე შენთან სამყოფად, შენთან დამადგინეო,

.

შენს მშვენიერ ხელზედა წყალი დამასხმინეო.

.

.

დათა გუგუნავასაგან გაგონილი და ნამღერი [ტელემაკ გურიელისაგან გაგონილი და ჩაწერილი ჩონგური. ლექსი, როგორც თვით ტელემაკმა გადმომცა, გამოთქმულია მისი ბაბუას, დიდი ნიკო დადიანის მიერ].

.

დროსა შევესწარ ისეთსა, გულს ცეცხლი განმიალესა,

.

ღინჭილოდ სთვლიან იაგუნდს, ბრილიანტსა და ლალებსა.

.

ალმასით სჭედენ ვირებსა, აკრავენ ოქროს ნალებსა.

.

ბედაურ ცხენებს კუშტანს ქვეშ სცემენ, ვინ შეიბრალებსა?

.

ამ საძაგელ დროში მყოფი ვედარები მარად დამთვრალს.

.

უბრალოდ ცილისწამებით არ გვაძლევენ ჩვენ სამართალს,

.

მათ ჰგონიათ, კონტრაბანდად ჩვენ ვზიდვიდეთ ვითომ ფართალს,

.

დეილოცა მისი ხახა, ვისაც უთქვამს, ჭირი მართალს.

.

.

მთქმელი – ავქსენტი მეგრელიძე; გურია, ხრიალეთი. 1936 წელი. შინამრეწველობის მასალები (პირველ-ასლები) შეკრებილი ივანე ჯავახიშვილის ხელმძღვანელობით;

.

ფოტო – ავქსენტი მეგრელიძე და მის მიერ ჩამოაყალიბებული ქართული სიღერისა და ცეკვის ანსამბლი მეჩონგურე ქალთა მწყობრი; ასევე კომპოზიტორი კოტე ფოცხვერაშვილი