”მზად ვარ, სალომე ზურაბიშვილის ყველა შეკრებაზე ვიარო, სახლში მივიდე, საჭმელი გავუკეთო, იატაკი მოვუხეხო, ოღონდ ახლა უშეცდომოდ გაიაროს”

ჟურნალისტი, ნინო ჯანგირაშვილი სოციალურ ქსელში წერს, რომ პრეზიდენტ, სალომე ზურაბიშვილის მიერ ორგანიზებულ ღონისძიებას დაესწრო, მიუხედავად იმისა, რომ პრეზიდენტი პოლიტიკოსად არ მოსწონს.

“მე მივედი სალომე ზურაბიშვილის ღონისძიებაზე, მიუხედავად იმისა, რომ მე ის, როგორც პოლიტიკოსი არ მომწონს. სავარაუდოდ მასაც არ მოვწონვარ როგორც ჟურნალისტი, და ეს არ არის პრობლემა. ზოგადად, ადღლეზილობის და გადაზელილობის მომხრე არ ვარ, არც ილუზიებით ვიკვებები და პოლიტიკოსების მიმართაც საკმაოდ სკეპტიკური ვარ. ყოველთვის დისტანცირებული ვარ გაუგებარი ტუსოვკებისგან. თუმცა, ალბათ უნდა განვმატო, რატომ ჩავთვალე, რომ ამ ეტაპზე პრეზიდენტთან მისვლა საჭირო იყო:

დღეს ისტორიულ მომენტში და ძალიან დიდ გასაჭირში ვართ. გვყავს ხელისუფლება, რომელიც მზად არის თაობების ოცნება დაასამაროს და საქართველო რუსეთის გუბერნიად აქციოს.

მეორეს მხრივ, გვაქვს ისტორიული შანსი, თაობების ოცნება ავიხდინოთ და ეს ქვეყანა სამშვიდობოზე გავიყვანოთ. ახლა როგორმე უნდა გამოვძვრეთ ამ ურთულესი სიტუაციიდან, ბეწვის ხიდზე გავიაროთ და ჩვენს მიზანს მივაღწიოთ. მართლა ისეთ დრამატულ მომენტში ვართ, როგორიც ქვეყნების ცხოვრებაში იშვიათია.

ეს არის კონტექსტი. და სალომე ზურაბიშვილი აშკარად გრძნობს ამ კონტექსტს. სიტყვიერად გამოთქვა სურვილი, იყოს ხალხის გვერდით. ჯერჯერობით მხოლოდ სიტყვებით, თუმცა ეს სიტყვა თუ არ დავუფასეთ და ცოტა არ გავამხნევეთ, საქმე არ მოყვება ჩემი აზრით. ჩვენ ახლა ძალიან გვჭირდება სალომე ზურაბიშვილი და მასაც ვჭირდებით, რომ სწორი ნაბიჯები გადადგას. იქნებ რამე გამოვიდეს. რა თქმა უნდა, გვარამიას შეწყალება არის ის, რის გარეშეც მე ვერ წარმომიდგენია, როგორ შეიძლება პრეზიდენტის სხვა რომელიმე ნაბიჯი ფასეული იყოს და ეს არ შეიცვლება. მოკლედ, მზად ვარ სალომე ზურაბიშვილის ყველა შეკრებაზე ვიარო, სახლში მივდე, საჭმელი გავუკეთო, იატაკი მოვუხეხო, საღამოს ფანჯრებთან სერენადები ვუმღერო, ოღონდ ახლა, ამ რთულ მომენტში უშეცდომოდ გაიაროს”, – წერს ჯანგირაშვილი.

გააზიარეთ და მოიწონეთ სტატია:

მსგავსი სტატიები:

“ივანიშვილის მმართველობის 8 წლიან ეპოქაში ბიუჯეტიდან 100 მილიარდზე მეტი დაიხარჯა” სოფელ ნამოხვანში, მდინარეში კაცს ეძებენ 1 ივლისიდან სოციალურად დაუცველ ბავშვთა დახმარება 100-ლარამდე გაიზრდება “მერს რომ ქალაქის პრობლემებზე ელემენტარული წარმოდგენა არ აქვს, მაშინ რა, ბასტი-ბუბუ ხომ არ არის? “-ელისაშვილი სახელმწიფო უსაფრთხოების სამსახური განცხადებას ავრცელებს “არ ვარ იმ მოსაზრების მომხრე, რომ „ომიკრონი“ იქნება კორონავირუსის დასასრული” გიორგი თარგამაძის ედიტორიალი: “გრაალის” მცველნი „ექსპლუატაციაში მიღების შემდეგ პასუხისმგებლობის მთელი სიმძიმე გადადის თბილისის მერიაზე“ – ნიკა გვარამია ვაკის პარკის ტრაგედიაზე