საქართველოში ევროკავშირის ელჩი, პაველ ჰერჩინსკი ამბობს, რომ პრეზიდენტის გადასაწყვეტია შეიწყალებს თუ არა “მთავარი არხის” გენერალურ დირექტორს. მისი თქმით, ევროკავშირის 12 რეკომენდაციიდან ერთ-ერთი მედიის თავისუფლების დაცვაა.
ჰერჩინსკიმ ჟურნალისტებთან საუბრისას თქვა, რომ ნიკა გვარამიასა და სხვა საქმეებს დიდი ყურადღებით აკვირდებიან.
“პრეზიდენტის გადასაწყვეტია, შეიწყალებს თუ არა ბატონ გვარამიას. ყველამ ვიცით, რომ პატიმრების შეწყალება მისი კონსტიტუციური უფლებაა. სხვა კომენტარს ვერ გავაკეთებ. თქვენ იცით, რომ 12 რეკომენდაციიდან ერთ-ერთი არის მედიის თავისუფლების დაცვა, რადგან სიტყვისა და გამოხატვის თავისუფლება არის ერთ-ერთი პრინციპი, რომელზეც ევროკავშირია დაფუძნებული. ჩვენ ვაკვირდებით ამ და სხვა საქმეებს ძალიან დიდი ყურადღებით. ჯერ კიდევ არის დრო, სანამ ევროკომისია თავის დასკვნას გამოაქვეყნებს.
მოსამართლეების პროფესიონალიზმი და სრული დამოუკიდებლობა, ასევე ჯანსაღი და დამოუკიდებელი მართლმსაჯულება ასევე არის ევროკავშირის 12 რეკომენდაციიდან ერთ-ერთი. ჩვენ ვმუშაობთ ქართულ მხარესთან ერთად, საქართველოს იუსტიციის სამინისტროსთან ერთად, რათა გატარდეს საჭირო რეფორმები მართლმსაჯულების სისტემაში. პროგრესი შეფასებული იქნება ევროკომისიის მოხსენებაში ამ წლის ბოლოს”, – თქვა ჰერჩინსკიმ.
მსგავსი სტატიები:
ენმ-ის ქუთაისის საარჩევნო შტაბს საღებავები შეასხეს და წარწერები გააკეთეს
“ვერავინ წარმოიდგენდა,ოკუპანტ გავრილოვს გზას იმ კაცის შვილიშვილი გაუთეთრებდა, ვინც ლენინი თბილისში შემოიყვანა”
“მწვანე ალტერნატივა” და “სოციალური სამართლიანობის ცენტრი” რიონის ხეობის მცველებთან თანამშრომლობას წყვეტენ
მაქვს კონკრეტული არჩევანი – კალაძე და მელია… მე ვხაზავ ოპოზიციას – მარგველაშვილი
ჩარკვიანი: ზურაბიშვილის გამოსვლიდან რამდენიმე ნოტი დავიჭირე და ხავსს მოვეჭიდე
უკრაინის დასახმარებლად ოზურგეთში ჰუმანიტარული ტვირთის შეგროვება დაიწყო
უკრაინაში ომის შესახებ “სიცრუის” გამოქვეყნების გამო, რუსეთმა Wikipedia-ს კანონდამრღვევი უწოდა
“” უძაღლო ქვეყანაში კატებს აყეფებდნენო”…..21-ე საუკუნის საქართველო” “ნაკომუნისტარ”….”ნამხედრიონელ”…..”ნაგვარდიელერ”….”ნანაცარ”….”ნაქოცარ”…..ნახიშტრებმა არ უნდა ააშენონ….