პრემიერს დღეს ჰქონდა მარტო „ნაცების“ გინების პროგრამა – იაგო ხვიჩია

„გირჩის” ლიდერი, იაგო ხვიჩია პრემიერ-მინისტრის, ირაკლი ღარიბაშვილის პარლამენტში გამოსვლას აფასებს და აცხადებს, რომ პრემიერი დღეს მხოლოდ „ნაციონალებზე“ ლაპარაკობდა.

„პარლამენტში ჩვენ კონსტრუქციულ ფორმატში ვიყავით, „ნაცები” არ იყვნენ და გამოვიდა ისე, რომ პრემიერს ჰქონდა მარტო ერთი პროგრამა, „ნაცების” გინების პროგრამა, ნებისმიერი თემიდან ამისკენ გადადიოდა. უცებ აღმოჩნდა, რომ „ნაცები” არ იყვნენ და სკამებს აგინებდა.

ჩემდა გასაკვირად „ნაცებმა” დღეს ძალიან ცოტა იჩხუბეს, მერე წავიდნენ. პრემიერ მოვიდა, იწყებს ლანძღვა-გინების კორიანტელს. რამდენიმე ადამიანი ვისხედით იქ და არ გვეხებოდა ეს საუბარი, მაგრამ ჩვენკენ იხედებოდა პრემიერი, რადგან მეორე მხარეს ხელისუფლება იჯდა. არ არსებობდა გეგმა „ბ”, რომელიც იმ დროისთვის იმუშავებდა, როცა „ნაცები” არ არიან დარბაზში. ამიტომაც ვამბობთ, რომ პოლიტიკაშიც ამ თვალსაზრისით „ნაცები” პრობლემები არიან, ჯობია დაშლილები იყვნენ. დღეს პრემიერს გამოუვიდა არაადეკვატური გამოსვლა, გინება იმ ხალხის, ვინც იქ საერთოდ არ იყო და მათი გინება საერთოდ არაფერ შუაში არ იყო. „თქვენ ამას შვრებოდით, იმას შვრებოდით” და არცერთი არ ზის იქ”, – განაცხადა იაგო ხვიჩიამ.

იაგო ხვიჩიას განცხადებით, მომავალ კვირაში „ნაციონალური მოძრაობის” პარლამენტში ყოფნა მნიშვნელოვანია, რადგან ხელისუფლება თავდაცვის კოდექსის ძალადობრივად გატანას აპირებს.

„შემდეგ კვირას „ნაციონალური მოძრაობის” პარლამენტში ყოფნა იქნება ძალიან მნიშვნელოვანი, რადგან როგორც კულუარულად გვეუბნებიან, თავდაცვის კოდექსი გააქვთ განსახილველად, ფიქრობენ, რომ დანიშნონ რიგგარეშე სხდომები და სასწრაფო წესით, ძალადობრივად გაიტანონ თავდაცვის კოდექსი”, – განაცხადა იაგო ხვიჩიამ.

გააზიარეთ და მოიწონეთ სტატია:

მსგავსი სტატიები:

“ყველა პარტიასთან არსებობს რაღაც ტიპის საუბრები“-მდინარაძე როგორ შეიცვალა სამყარო გლობალური დათბობისა და კლიმატის ცვლილების შედეგად არასამთავრობო ორგანიზაციების წერილი ამერიკელ სენატორებს ლანჩხუთში “ეტალონის” გამარჯვებული მოსწავლე გამოვლინდა ისტორიაში პირველად, არქეოლოგებმა ორსული მუმია აღმოაჩინეს “ვარდების რევოლუცია” რომ არ მომხდარიყო, არ ვიცი სად ვიქნებოდით” – დავით ზურაბიშვილი ეს მრავალფეროვანი ქვეყანაა, მაგრამ ყველას ხმა ყოველთვის არ ისმის – კელი დეგნანი საქართველოზე გიორგი თარგამაძის ედიტორიალი: ახალი სამყაროს დაბადება