“ეს იყო საქართველოს ხელისუფლების მიერ, პუტინისტურ მოძალადე ჯგუფთან ერთად ორგანიზებული თავდასხმა”

Tbilisi Pride დღეს  პრაიდის ფესტივალის ჩაშლას ეხმაურება და წერს, რომ განვითარებული მოვლენები ხელისუფლების მიერ, პუტინისტურ მოძალადე ჯგუფთან ერთად ორგანიზებული თავდასხმა იყო დემოკრატიაზე.

გავრცელებულ განცხადებაში აღნიშნულია, რომ ლგბტქ+ აქტივისტებზე თავდასხმა შსს-სა და ალტ-ინფოს დაგეგმილი ოპერაცია იყო და ნაცვლად დაპირებული გარანტიისა  პოლიციამ ნება დართო ალტ-ინფოს წევრებს შეჭრილიყვნენ ფესტივალის კერძო, დახურულ, ტერიტორიაზე.

“დღეს ცხადად დავინახეთ, რომ თავდასხმა ლგბტქ+ აქტივისტებზე და თბილისი პრაიდის ფესტივალის ტერიტორიაზე, იყო შინაგან საქმეთა სამინისტროსა და “ალტ-ინფოს” ერთობლივი, კარგად დაგეგმილი ოპერაცია ადამიანის უფლებებისა და დემოკრატიის წინააღმდეგ.

Ჩვენი გადასახადებით დაფინანსებული Პოლიცია, რომელიც ფესტივალის ტერიტორიას “იცავდა” გვარწმუნებდა, რომ ულტრამემარჯვენე ჯგუფები ახლოს ვერ მოვიდოდნენ, ამის პარალელურად კი, მედიასა და სოციალურ ქსელში ვრცელდებოდა კადრები სადაც ჩანს, როგორ დაუბრკოლებლად, შეთანხმებულად მოდის პოლიცია და ძალადობრივი ჯგუფი ტერიტორიისკენ.

ალტ-ინფოს წევრებმა ალყაში მოგვაქციეს, პოლიციამ კი, ნაცვლად იმისა, რომ ისინი დაეშალა, წინასწარ მომზადებული ტრანსპორტით დაგვატოვებინა ჩვენი ტერიტორია.

Შინაგან საქმეთა სამინისტროს განცხადებებიდან აშკარაა, რომ ეს სამარცხვინო “ევაკუაცია” მათ გამარჯვებად მიაჩნიათ, სინამდვილეში კი, ესეც წინასწარ დაგეგმილი ნაბიჯი და მათი უმოქმედობის დასტური იყო.

Შინაგან საქმეთა სამინისტრო და მინისტრის მოადგილე ალექსანდრე დარახველიძე მოსამზადებელ პერიოდში, კვირების განმავლობაში და ფესტივალის დღესაც დაცვის გარანტიებს გვაძლევდა, სანაცვლოდ კი, პოლიციამ ნება დართო ალტ-ინფოს წევრებს შეჭრილიყვნენ ფესტივალის კერძო, დახურულ, ტერიტორიაზე, თავს დასხმოდნენ მშვიდობიან მოქალაქეებს და გამოუსწორებელი ემოციური ტრამვა მიეყენებინათ მათთვის.

Პოლიციამ არ გადაკეტა ფესტივალის ტერიტორიამდე მოსასვლელი გზა, რომ ხელი შეეშალა მოძალადე ჯგუფისთვის; Პოლიციამ თავდამსხმელების მიმართ არ გამოიყენა პროპორციული ძალა.

Ხელისუფლებამ არ დააკავა 5 ივლისის ძალადობის ორგანიზატორები;

Ხელისუფლებამ არ დააკავა 5 ივლისის ძალადობის ორგანიზატორები არც მაშინ, როდესაც 8 ივლისის ძალადობა დაანონსეს;

Ხელისუფლებამ წაახალისა და მხარი დაუჭირა ძალადობას.

ეს იყო საქართველოს ხელისუფლების მიერ, პუტინისტურ მოძალადე ჯგუფთან ერთად ორგანიზებული თავდასხმა დემოკრატიაზე, ადამიანის უფლებებზე და უდანაშაულო ადამიანებზე, რომლებსაც სურდათ კონსტიტუციით გარანტირებული ფუნდამენტური უფლებით სარგებლობა.

იმედი გვაქვს, რომ ყველა ვისთვისაც ძალადობა მიუღებელია, ვისაც სურს საქართველოს დემოკრატიული და ევროპული განვითარება დაგმობს დღეს განვითარებულ

მოვლენებს და დააფიქსირებს სოლიდარობას”, – წერია განცხადებაში.

გააზიარეთ და მოიწონეთ სტატია:

მსგავსი სტატიები:

დმანისის მერი: “ახალგაზრდებს შორის მოხდა კონფლიქტი, ვიღაცას ეტყობა აწყობს, რომ სპეკულაცია გააკეთოს ეთნიკურ, ან კუთხურ ნიადაგზე” “გუნდის შიგნით გიორგი გახარიას ზედმეტსახელი იყო “ბოლი” “ეგ შენი 500-ლარიანი მედიკამენტების ვაუჩერი თავზე გადაიხიე, ან როგორც იტყვიან”… – ლამარა აბჟანდაძე კახა კალაძეს შტორმი, ძლიერი თოვა და ქარბუქი – საქართველოში ამინდი მკვეთრად გაუარესდება პალატიდან საქართველოს დროშის გადმოფენის გამო, იუსტიციის სამინისტრომ მიხეილ სააკაშვილის წინააღმდეგ მოკვლევა დაიწყო პუგაჩოვას ,,ბუნტი” – ,,ჩვენმა პრეზიდენტმა თავისი ყველა შესაძლებლობა ამოწურა” ლანჩხუთში ისევ სტიქიას ებრძვიან – დაზიანებულია ასამდე შენობა, გაზსადენი მილები და ელექტროგადამცემი ხაზები “საინტერესოა, რა ეტაპზე ჩამოყალიბდა რწმენა, რომ ზურაბიშვილი ივანიშვილზე არ არის დამოკიდებული?!”