ლაზარე გრიგორიადისის დედის, თამთა კალანდაძის თქმით, მას იმედი აქვს, რომ ლაზარეს პრეზიდენტი შეიწყალებს.
ამ თემაზე მან სოფო ზურაბიანის პოლიტიკის ფორმულაში ისაუბრა.
“იმედი რომ არ მქონდეს, რა აზრი აქვს საერთოდ ჩემს ყოფას და ცხოვრებას?”- თქვა მან და აღნიშნა, რომ სალომე ზურაბიშვილთან კომუნიკაცია არ ჰქონია, რადგან ჯერ სასამართლო პროცესები არ დასრულებულა და შესაბამისად, საქმეზე გადაწყვეტილებაც არ გამოუტანიათ.
“[პრეზიდენტთან] კომუნიკაცია პირადად ჯერ არ მქონია იმიტომ, რომ ვფიქრობთ, ჯერ აზრი არ აქვს, პროცესი ხომ უნდა დასრულდეს, განაჩენი დადგეს და მერე გვექნება კომუნიკაცია. გვეიმედება იმიტომ, რომ მას აქვს ბერკეტი, რომ შეიწყალოს ლაზარე. სავარაუდოდ, ის ადევნებს თვალს, ამ საქმეში ბევრი ახალგაზრდაა ჩართული და ვფიქრობ, რომ გაითვალისწინებს ახალგაზრდების თხოვნას”- თქვა კალანდაძემ.
31 მარტს სასამართლომ 21 წლის ლაზარე გრიგორიადისს აღკვეთი ღონისძიების სახით პატიმრობა შეუფარდა. ის 29 მარტს დააკავეს – შსს-ს მტკიცებით, მან 7-9 მარტის აქციებზე პოლიციელებს ქვები და ე.წ. მოლოტოვის კოქტეილები ესროლა.
აქტივისტის წინააღმდეგ ხელისუფლებამ მალევე სიძულვილის კამპანია დაიწყო, ქართული ოცნების თავმჯდომარემ ირაკლი კობახიძემ მას არაერთხელ უწოდა “ორიენტაციაარეული”.
22 ნოემბერს შინაგან საქმეთა სამინისტრომ გაავრცელა ინფორმაცია, რომ 7-8 მარტის აქციებზე დაზარალებულმა პოლიციელებმა, სამინისტროს იურიდიული დეპარტამენტის მხარდაჭერით, პრეზიდენტ სალომე ზურაბიშვილს ლაზარე გრიგორიადისის შეწყალებისგან თავის შეკავების თაობაზე განცხადებით მიმართეს.
მსგავსი სტატიები:
რუსეთის განზრახვას, ძირი გამოუთხაროს ამერიკულ დემოკრატიას, მზად უნდა დავხვდეთ- ბაიდენი
მემკვიდრეობით მიღებული კითხვა – რა “ასწავლა” წულუკიანმა ელისაშვილს?
გადაცემა “სხვა ნანუკამ” 10 წლის ლაშა ხუციშვილისთვის 100 ათასი ლარი შეაგროვა
“ოცნებას” აქვს შანსი ძლიერად გაიმარჯვოს და მომდევნო 3 წელი ქვეყანას არჩევნები არ ექნება”
რუსთაველის გამზირი გადაიკეტა, პარლამენტის წინ უწყვეტი აქცია მიმდინარეობს
“მთავარი არხი” ახალ სეზონს განახლებული ბადით ხვდება…ყველა მნიშვნელოვანი პროექტი შენარჩუნებულია…იქნება ახალი და საინტერესო პროექტებიც”– ნიკა გვარამია
80-მა რუსმა საზღვაო ქვეითმა უარი თქვა უკრაინაში საბრძოლო ოპერაციებში მონაწილეობაზე – nexta
”დადგება ეს დროც, აუცილებლად მოუწევს პასუხისგება ყველას” – ნიკოლაშვილი შოვის ტრაგედიის შესახებ