არ არის არანაირი მანიშნებელი, რომ უკრაინას მოსკოვში საკონცერტო დარბაზზე თავდასხმასთან რაიმე კავშირი აქვს – ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.
“ამ ეტაპზე არ არის არანაირი მანიშნებელი, რომ უკრაინა ან უკრაინელები ჩართული იყვნენ” – განაცხადა კირბიმ.
მისივე თქმით, მოსკოვში თავდასხმის კადრები იყო შემზარავი.
კირბის განცხადებას გამოეხმაურა მარია ზახაროვა. რუსეთის საგარეო საქმეთა სამინისტროს წარმომადგენლის თქმით, თეთრ სახლს არ აქვს უფლება, გასცეს ვინმესთვის ინდულგენციები.
“რის საფუძველზე აკეთებენ ვინმეს კავშირის არქონაზე რამე დასკვნებს ვაშინგტონის ოფიციალური პირები ტრაგედიის დროს? თუ აშშ-ს აქვს სარწმუნო მონაცემები, მაშინ აუცილებელია მათი რუსული მხარისთვის დაუყოვნებლივი გადაცემა. თუ ასეთი მონაცემები არ აქვს, მაშინ თეთრ სახლს არ აქვს უფლება გასცეს ვინმესთვის ინდულგენციები -” წერს ზახაროვა.
რუსეთის ხელისუფლების წარმომადგენლები თავდასხმაში სწორედ უკრაინას ადანაშაულებენ.
მსგავსი სტატიები:
“არ დათმო” – უსკოს შენობასთან ხმაურია
პარლამენტთან ამ დროისთვის 11 კარავია გაშლილი
რესპუბლიკურ საავადმყოფოში 700 დოზა ვაქცინა გაუფუჭდათ
ქაბულის მერიაში ქალებს მუშაობის გაგრძელების უფლებას არ აძლევენ
“დუღს ეკონომიკა, აწი ყველა მშიერს თითო კრუასანს დაურიგებენ”
სარფში მებაჟეებმა სატვირთოში დამალული 5 ადამიანი იპოვეს
“კიდევ 150 ბიჭი გაგზავნეს უკრაინაში… ბარემ ყველა წაიყვანეთ სკოლის მოსწავლეებიც და მოხუცებიც” – ოკუპირებულ ცხინვალში უკმაყოფილება იზრდება
მუქარის საკითხზე მყისიერმა რეგირებამ არ დააყოვნა – ნუგზარ სულაშვილი