“ქართუ ჯგუფის” ყოფილი ვიცე–პრეზიდენტი ელდარ გოგოლაძე, რომელმაც “მთავარი არხის” გენერალურ დირექტორთან, ნიკა გვარამიასთან ინტერვიუს დროს ბიძინა ივანიშვილის მართვის სტილსა და მეთოდებზე გასულ წელს ღიად ისაუბრა, ამბობს, რომ პროკურატურაში დაბარება სწორედ ამ მხილებას უკავშირდება.
მისივე თქმით, პოლიტიკურია ყველა ის საქმე, რომელიც ბოლო დროს გააქტიურდა, მათ შორის ნიკა გვარამიასა და ოპოზიციის ლიდერების სამართლებრივი დევნა.
გოგოლაძე “მთავართან” კიდევ ერთხელ საუბრობს რაზეა წამსვლელი ივანიშვილი საკუთარი მიზნების მისაღწევად:
“თქვენი გენერალური დირექტორი დაიბარეს, იქ ოქრუაშვილს ეძახიან, კიდე ვიღაცას დაიბარებენ, კიდევ მე დამიბარებენ, ანუ ვინც ჩაგვთვალეს ჩვენ რეჟიმის ან ივანიშვილის პირად მტრებად მიდის ზეწოლა და იქიდან იქნება ზეწოლა უზარმაზარი, იქიდან წამოვა დაკვეთა, დისკრედიტაცია ჩასვით ციხეში, უმაღლესი ზომა რომ იყოს – დახვრიტეთ, თუ მას არ გააჩერებენ… მაგრამ არამგონია მას ვინმე ყავდეს გარემოცვაში ისეთი ვისაც ენდობა, ერთ დროს ჩემს რჩევებს ითვალისწინებდა და შემიჩერებია არასასრუველი ნაბიჯების გადადგმისაგან, თორემ მის ნებაზე, რომ იყოს, ფიზიკურ განადგურებაზე არ დაიხევს უკან, არათუ ციხეში ჩასმაზე.
ეს ბანდიტური რუსული 90–იანი წლების სკოლაა, დისკრედიატაცია დაშინება” ამბობს გოგოლაძე
ივანიშვილის უახლოესი გარემოცვის ყოფილი წევრი არც მის დაკავებას გამორიცხავს და ამბობს, რომ მოწმეების მოსყიდვასაც არ მოერიდებიან:
არ გამოვრიცხავ, იმ ორი ძირითადი მოწმიდან, მანქანაში ვიჯექით 4, ეს მისი სტილია, მიეცით ერთი მილიონი, ორი… ცოტაა? – ხუთი მიეცით და შეაცვლევინეთ ჩვენება, დააწერინეთ, რომ აიძულეს, ზემოქმედება მოახდინეს, ამ შემთხვევაში გამიშვებენ ციხეში, აუცილებლად ჩაერევიან ამაში გამოძიების ფედერალური ბიუროს თანამშრომლები, ეჭვიც არ მეპარება ამაში. მე დაბარების არ მეშინია “ – ამბობს ელდარ გოგოლაძე
გოგოლაძის პროკურატურაში დაბარება, 90–იან წლებში აშშ–ის ცენტრალური სააგენტოს აგენტის ფრედი ვულდროფის საქართველოში მკვლელობას უკავშირდება, რა საქმეზეც გოგოლაძე FBI–მ გაამართლა, თუმცა ის ხვალ 12 საათზე საქართველოს პროკურატურაში უნდა გამოცხადდეს.
მსგავსი სტატიები:
შეთანხმება ისევ ვერ შედგა – პარტიებმა დანიელსონის დოკუმენტი დაიწუნეს
“სტამბაში იკრიბებიან ოკუპანტი ღორები!” – აქცია თბილისში
“ძალიან ყარს უკვე ივანიშვილის წუმპე”
“კომიკურია, რომ უმრავლესობა სხდომებს ჯიუტად ოფისში მართავს და იწყება ერთი გამიშვი-გამატარე…”
კენტი: საქართველო 2003 წლის შემდეგ მაგალითი იყო, თუ რისი მიღწევა შეუძლიათ ქვეყნებს
“ვაშაძე თუ ძველი ბიჭი იყო, არ მეგონა, ბოლო დროს ყველას გვეძველბიჭება”
“არ დავასხამთ ხელისუფლების წისქვილზე წყალს და ამ კომფორტის ზონიდან გამოვიყვანთ”
“კარგად გაიხსენოს პრეზიდენტი რომ იყო თუ მიბედავდა რამეს აქ, ეხლა იქ დამალული რომ არის” – მეუფე იაკობი სააკაშვილზე