დაღუპულთა და დაშავებულთა რიცხვი გაიზარდა – ვითარება დაღესტანში

დაღესტნის მუფთის ინფორმაციით, დაღუპულთა რიცხვი ცხრამდე გაიზარდა; მათგან შვიდი პოლიციელია. აქამდე არსებული ინფორმაციით, მოკლული იყო 6 პოლიციელი, ასევე სასულიერო პირი. დაშავებულია 25 ადამიანი.

დაღესტანში სინაგოგაზე, ეკლესიებსა და უშიშროების ძალებზე თავდასხმების შემდეგ ანტიტერორისტული ოპერაციის რეჟიმი მოქმედებს. მედიის ინფორმაციით, დერბენტსა და მაჰაჩყალაში უსაფრთხოების ძალები საცხოვრებელ სახლებში შეიჭრნენ, სადაც თავდამსხმელები არსებული ინფორმაციით,  თავს აფარებდნენ.

ვრცელდება ინფორმაცია, რომ ბოევიკებს შორის იყო დაღესტნის სერგოკალინსკის ოლქის უფროსის, მაგომედ ომაროვის ორი ვაჟი, ოსმან და ადილ ომაროვები. არსებული ინფორმაციით, ისინი ლიკვიდირებული არიან. დაღესტნის შინაგან საქმეთა სამინისტრო აცხადებს, რომ მაჰაჩყალაში სულ ოთხი თავდამსხმელი მოკლეს.

პრესაში ვრცელდება ინფორმაცია, რომ მაგომედ ომაროვმა [თავდამსხმელების მამა] თანამდებობა დატოვა, კიდევ ერთი ინფორმაციით კი, ის დაკავებულია.

შეგახსენებთ, შეტაკება დაღესტანში ამ საღამოს მოხდა. ორ ქალაქში – მაჰაჩყალასა და დერბენტში უცნობი პირები თავს დაესხნენ ორ მართლმადიდებლურ ეკლესიას, სინაგოგასა და საგზაო პოლიციის განყოფილებას. გამოძიება ტერორიზმის მუხლით დაიწყო.

გააზიარეთ და მოიწონეთ სტატია:

მსგავსი სტატიები:

გოგორიშვილი: ცესკომ გასცა განკარგულება, რომ ხმები არსად გადაითვალონ Guardian ევროკავშირის გადახდილ გირაოზე სტატიას აქვეყნებს შავდათუაშვილის ვერცხლის მედალი ტოკიოში: ლაშამ ისტორია მაინც დაწერა ” საქართველოს სტრატეგიულად მოაზროვნე ხელისუფლება სჭირდება და არა “ოცნება”, რომელიც მას ჩამოშლისკენ მიაქანებს”-ლაგაზიძე ვინ არიან პუტინთან დაახლოებული ოლიგარქები, რომელთაც სანქციები დაუწესეს გურიაში საკრებულოები ანუ საკანონმდებელო ორგანოს წევრები რეკეტიორებად იქცნენ?” ნუ გაბრაზდებით ქართულ ოცნებაზე იმ პრეზიდენტზე, რომელმაც სული ივანიშვილს მიყიდა! – ფადი ასლი თუ ჩვენ დაგვიპყრობენ, შემდეგ იქნება რუსეთის ომი ნატოსთან -ზელენსკი