“დღეს, ივანიშვილის სანქცირებულმა სასამართლო კლანმა პატიმრობა შეუფარდა საქართველოს მესამე პრეზიდენტს, ამის მიზეზი კი ისაა, რომ მიხეილ სააკაშვილი არის გამარჯვების ფორმულა, ქართველ ხალხთან ერთად, ამ ანტიქართული რეჟიმის წინააღმდეგ ბრძოლაში” – ამის შესახებ “ერთიანი ნაციონალური მოძრაობის” გენერალური მდივნის მოადგილემ, ირაკლი ფავლენიშვილმა ბრიფინგზე განაცხდა.
ფავლენიშვილის თქმით, ოქტომბრის ბოლოს მიხეილ სააკაშვილი ქართველ ხალხთან ერთად იზეიმებს “ანტიქართული რეჟიმის დამარცხებას”.
”დღეს, ივანიშვილის სანქცირებულმა სასამართლო „კლანმა“ პატიმრობა შეუფარდა საქართველოს მესამე პრეზიდენტს, მიხეილ სააკაშვილს იმის გამო, რომ საქართველოს პრეზიდენტი საკუთარ სამშობლოს ტერიტორიაზე შემოვიდა.
მიხეილ სააკაშვილი არის ადამიანი, რომელმაც ეს ქვეყანა შეუმდგარი სახელმწიფოდან აქცია ევროპულ სახელმწიფოდ, რომელიც იყო მისაბაძი თავისი განვითარების ტემპებით. ის არის ადამიანი, რომელიც არა მხოლოდ საქართველოში, არამედ მთელი ევროპის მასშტაბით არის ლიდერი თავისუფლების ბრძოლის დიდი ტალღის, რომელიც აუცილებლად დასრულდება პუტინის და მისი სატელიტების დამარცხებით. მისი ციხეში გამოკეტვის მიზეზი, მისი შეწყალების პრევენციის მიზეზი არის ის, რომ მიხეილ სააკაშვილი არის გამარჯვების ფორმულა ქართველ ხალხთან ერთად ამ ანტიქართული რეჟიმი წინააღმდეგ ბრძოლაში, თუმცა მე ვპირდები ივანიშვილს და მის ბანდას, მიუხედავად იმისა, რომ თანასწორად და სამართლიანად ვერ აღიქმება გარემო, როდესაც მთავარი ოპოზიციონერი გაუგონარი ბრალდებებით არის ციხეში, მიუხედავად ამისა, „ერთიანობა – ნაციონალური მოძრაობა“ ქართველ ხალხთან ერთად აუცილებლად გაიმარჯვებს და მიხეილ სააკაშვილი ქართველ ხალხთან ერთად იზეიმებს ოქტომბრის მიწურულს ქართველი ხალხის გამარჯვებას, ანტიქართული რეჟიმის დამარცხებას და დაიწყება აღმშენებლობის კიდევ ერთი ძალიან მნიშვნელოვანი პერიოდი ჩვენი ქვეყნის ისტორიაში“, – განაცხადა ირაკლი ფავლენიშვილმა.
მსგავსი სტატიები:
“ენმ” კელი დეგნანსა და კარლ ჰარცელს შეხვდა – ოპოზიცია მესამე რაუნდს ელოდება
“მოხურე ერთი მაი კარი, გევიყინე”-რა პირობებში უწევდათ დღეს მუშაობა ჟურნალისტებს გომისმთაზე
ურეკში პოლიციელების თავდასხმის ფაქტზე დაკავებულების აღკვეთის ღონისძიებაზე ოზურგეთის სასამართლო დღეს იმსჯელებს
ღარიბაშვილი სუს-ის ფაილებზე მედიას ადანაშაულებს და იმუქრება
“ინგა გრიგოლიას მაგრად დაა**ით” -კობახიძეს და მდინარაძეს კიდევ ერთი დამალული ამბავი გაუსკდათ, “ოცნების” მტრად შერაცხულთა სიაში აღმოჩენილია ინგა გრიგოლიას და ნიკა გვარამიას გვარები
“რუსებისთვის მარტი საკრალური თვეა, პუტინ” – რუსი პოლიტიკოსები, რომლებიც მარტში გარდაიცვალნენ
“მივესალმები, რომ ჩემს სასამართლო საქმეში ჩაერთნენ ძალიან ავტორიტეტული ამერიკელი სასამართლო და სამედიცინო ექსპერტები”
“რა უცნაური არსებაა ადამიანი…ყოველ დილით, როცა მეღვიძება…ეს მახსენდება და საშინელ ხასიათზე ვდგები“ -გიორგი კეკელიძე