ექსპორტის განვითარების ასოციაციაში აცხადებენ, რომ რუსული კანონის მიღებამ და საქართველოს მთავრობის ანტიდასავლურმა, გაურკვეველმა საგარეო კურსმა ევროპელ პარტნიორებში მათდამი ნდობა შეამცირა. როგორც ასოციაციის გამგეობის წევრი, გვანცა მელაძე BMG-ისთან აღნიშნავს, ქართველ ექსპორტიორებს ევროპელი პარტნიორები ახალ ხელშეკრულებებს არ უფორმებენ.
“ამ ეტაპზე შეთანხმებების დადებას ერიდებიან, რადგან საქართველოს გეოპოლიტიკური კურსი გაურკვეველია. გაუგებარია ისიც, მიჰყვება თუ არა ქვეყანა სანქციების შესრულების ვალდებულებას თუ სურვილს. როდესაც ევროკავშირში საპარტნიორო ურთიერთობაზე გრძელვადიანი [ხელშეკრულება] ფორმდება, შემდეგ შესაძლებელია, რომელიმე კომპანიის მოწილე დასანქცირებული აღმოჩნდეს და მიწოდებას რისკი შეექმნას. ამ რისკებს ითვალისწინებენ.
ბიზნესისთვის ამ ბაზრის დაკარგვა არა მარტო ეკონომიკურ, არამედ პოლიტიკურს გავლენას იქონიებს. თუმცა ბაზრის დაკარგვა ძალიან მცირე და პატარა მნიშვნელობის თემაა იმასთან შედარებით, თუ ჩვენი გეოპოლიტიკური კურსი შეიცვლება. [კურსის შეცვლა] პირველ რიგში, ემიგრაციის გაზრდას, სავიზო რეჟიმის საფრთხეს ნიშნავს. რაც მთავარია, მსგავსი ქვეყნები ყოველთვის სანქციების რადარის ქვეშ არიან და არცერთ განვითარებულ ქვეყანაში რისკის თავის თავზე აღება არ უნდათ”, – განაცხადა გვანცა მელაძემ.
მსგავსი სტატიები:
თალაკვაძის თქმით, ოპოზიციამ ცესკოზე “თავდასხმა” სავარაუდოდ, ბიულეტენების “გასანადგურებლად” მოაწყო
“გონიოს ყოფილი პოლიგონის ადგილას აშენდება ახალი ქალაქი, ოფისებით, ბანკებით, კაზინოებით”
საარსებო შემწეობის მიმღებთა რიცხვი რეკორდულ ნიშნულამდე – 633 ათასამდე გაიზარდა
ზაქარეიშვილი-სააკაშვილს ჭკუა არ ჰყოფნის
”ამბობენ, მშიერ ბავშვებს ღმერთი ეხმარებაო..მე სულ ცაში ვიხედები” – ოზურგეთელი მათეს ოცნება
რატომ დააპატიმრა ხონთქარმა მამია III გურიელის ელჩობა
“ბავშვები მწვავე ინფექციის რისკის ქვეშ არიან” – რა საფრთხის შესახებ მოუწოდებს ზაზა თელია მშობლებს
“არჩევნებამდე რამდენიმე კვირით ადრე “ოცნება” აგრძელებს დაშინების კამპანიას” | ლანდსბერგისი