ევროპის სახალხო პარტია ქართველ ხალხს მხარდაჭერას უცხადებს და არჩევნებზე დაფიქსირებული დარღვევების სასწრაფო გამოძიებას მოითხოვს.
“EPP ქართველი ხალხის გვერდით დგას თავისუფალი და ყოველგვარი დაშინების გარეშე არჩევანის გაკეთებისთვის ბრძოლაში. მათი ადგილი ევროპის დემოკრატიულ ერებს შორისაა.
ყველა დარღვევა, რომელიც ჩადენილ იქნა ხელისუფლების ორგანოების მიერ ბოლო არჩევნების დროს, სასწრაფოდ უნდა იქნას გამოძიებული.” – ნათქვამია განცხადებაში, რომელსაც სახალხო პარტია X-ზე აქვეყნებს.
შედარებით ვრცელი განცხადება გამოქვეყნდა პარტიის ვებგვერდზეც
26 ოქტომბერს საქართველოს მოსახლეობას კვლავ ჩამოერთვა ფუნდამენტური თავისუფლებები და უფლება, აირჩიოს მომავალი თავისუფალ და სამართლიან არჩევნებში.
ძალადობის, ზეწოლის, დაშინების, ხმების მოსყიდვის, ადმინისტრაციული რესურსის ბოროტად გამოყენებისა და საარჩევნო მანიპულაციების გამოყენებით, ქართული ოცნების ხელისუფლებამ კიდევ უფრო დააშორა ქვეყანას დემოკრატიული ღირებულებებისგან, კანონის უზენაესობისა და ევროინტეგრაციის პერსპექტივას, რომლისკენაც ისწრაფვის ქართველი ხალხი. .
ევროპის სახალხო პარტია ქართველი ხალხის გვერდით დგას მათ კანონიერ მოთხოვნაში, რომ სწრაფად დააკმაყოფილონ მათი ლეგიტიმური შეშფოთება არჩევნების სამართლიანობისა და შედეგების შესახებ.
ჩვენ მოვუწოდებთ ჩვენს დემოკრატიულ პარტნიორებს ჩაერთონ იმ დარღვევების გამოძიებაში, რომლებიც ფართოდ არის გავრცელებული ყველა სანდო ადგილობრივი და საერთაშორისო სადამკვირვებლო მისიის მიერ. ქართველი ხალხი იმსახურებს თავის ადგილს ევროპის თავისუფალ, დემოკრატიულ ერებს შორის და ვერავინ უნდა წაართვას მათ ევროპული მომავალი.
მსგავსი სტატიები:
“ივანიშვილი აფინანსებდა ტრამპს“-მიხეილ სააკაშვილი
ვაქცინაციისთვის 50 000 შპრიცი უკვე საქართველოშია
ძალოსანმა ანტონ პლესნოიმ ჩემპიონატზე 3 ოქროს მედალი მოიპოვა
“ჯერ უნდა გავიჭირვოთ და პირბადე უნდა ვატაროთ” – გამყრელიძე
პერფორმანსი პარლამენტში – ენმ-ს წევრებმა დარბაზში 20 ივნისის ამსახველი ფოტოები გააკრეს
წინასაარჩევნო ზეწოლა -ენმ-ს წევრმა დეპუტატობიდან კანდიდატურა მოხსნა
ამ ეტაპისთვის, ჩვენ სავალდებულო ვაქცინაცია არ გვჭირდება – ტიკარაძე
მოპედის მძღოლებს მართვის მოწმობა დასჭირდებათ – როდის შევა ცვლილება ძალაში