“ეს (“ქართული ოცნება”) არ არის ლეგიტიმური ხელისუფლება და ისინი ქვეყანას ევროკავშირს ერთი სანტიმეტრითაც კი ვერ დაუახლოებენ” – ამის შესახებ ევროპარლამენტარმა, ტომას ვაიცმა ევროპარლამენტში, საგარეო საქმეთა კომიტეტის შეხვედრაზე განაცხადა.
ტომას ვაიცი ოპოზიციური სპექტრის გაქრობის შესახებ ირაკლი კობახიძის მუქარასაც გამოეხმაურა და თქვა, “ამაზე მეტი ავტორიტარული ქცევის მტკიცებულება რა გსურთ“.
”იყო აქტიური გაყალბების მრავალი შემთხვევა, როგორც ეს სხვადასხვა ინსტიტუტებმა აღნიშნეს, ასევე, არჩევნების შედეგების მასიური მანიპულირება და ეს ყველაფერი ჩემთვის არალეგიტიმურ მთავრობას ნიშნავს, იმ სტანდარტებთან შედარებით, რაც ევროკავშირში გვაქვს. ვფიქრობ, ეს უნდა ვთქვათ. უნდა ვთქვათ, რომ ეს არ არის ლეგიტიმური ხელისუფლება და ისინი ქვეყანას ევროკავშირს ერთი სანტიმეტრითაც კი ვერ დაუახლოებენ. პრემიერ-მინისტრი ამბობს, რომ ოპოზიციური პარტიების აკრძალვა უნდა, ამაზე მეტი ავტორიტარული ქცევის მტკიცებულება რა გსურთ. მკაფიოები უნდა ვიყოთ, რომ ისინი ქვეყნის ევროკავშირში გაწევრიანებას ვერ შეძლებენ“, – აღნიშნა ევროპარლამენტარმა. (IPN).
ცნობისთვის, დღეს, 18 ნოემბერს, ევროკავშირის საგარეო საქმეთა საბჭოს სხდომაზე საქართველოს საკითხი განიხილეს. როგორც “რადიო თავისუფლების” ევროპის ბიუროს რედაქტორი, რიკარდ იოზვიაკი სოციალურ ქსელში წერს, საქართველოში ევროკავშირის კომისიის “ტექნიკური მისია” ჩამოვა.
მსგავსი სტატიები:
ლომჯარია საარჩევნო ადმინისტრაციებს: დროულად განიხილეთ საჩივრები, რაც შეამცირებს აქციებს
ღარიბაშვილის თქმით, ათწლიანი განვითარების “ახალ ამბიციურ” გეგმას შეიმუშავებს
მოპედის მართვისთვის მართვის მოწმობის აღება ხდება საჭირო – პარლამენტმა საკანონმდებლო ცვლილების განხილვა დაიწყო
კონკრეტული პირების პასუხისმგებლობა უნდა დადგეს, სისტემაში სერიოზული ხარვეზებია – ნანუაშვილი ციხის ხანძარზე
”15 წლით არის დაგვიანებული ის, რაც დღეს კეთდება – 2008 წელს რუსეთს სანქციები კი არ დაუწესდა, ანალიზი დაიწყეს, ვინ დაიწყო ომი”
ახალგაზრდა პედაგოგთა კავშირის ორგანიზებით „იდეათონი“ გაიმართა
რამდენით გაიზრდება საქართველოს ეკონომიკა – პროგნოზები 2022-2023 წლებისთვის
ქართველმა ხალხმა უნდა გაითავისუფლოს თავი და უნდა გამათავისუფლოს მეც – სააკაშვილი