“ქართული ოცნების” მიერ პრეზიდენტობის კანდიდატად მიხეილ ყაველაშვილის დასახელებას ყოფილი სახალხო დამცველი, ნინო ლომჯარია ბიძინა ივანიშვილის მხრიდან მიზანმიმართულ გადაწყვეტილებად აფასებს.
პლატფორმა “საქართველოს ევროპული ორბიტის” დამფუძნებელი “ტვ პირველის” ეთერში აცხადებს, რომ მიხეილ ყაველაშვილი გაუნათლებელი ადამიანია, რომელიც ქართველი ოლიგარქის თანხმობის გარეშე ნაბიჯსაც კი ვერ გადადგამს.
ამასთან, ნინო ლომჯარია ფიქრობს, ქვეყნის მთავარსარდლის კანდიდატად მიხეილ ყაველაშვილის წარდგენა საზოგადოების დაცინვაა – “ივანიშვილმა მოქალაქეებს უთხრა, რომ ყაველაშვილი ხალხის სახეა”.
”ვფიქრობ, საკმაოდ შეგნებულად და გააზრებულად გადადგა ბიძინა ივანიშვილმა ეს ნაბიჯი. მან გადახედა საკუთარ ხელქვეითებს და მოძებნა ისეთი ადამიანი, რომლის კანდიდატურად ყველაზე წარმოუდგენელი იქნებოდა. ეს არის ადამიანი, რომელსაც არ ექნება იმისი უნარებიც კი, რომ აიღოს ტელეფონი და დაურეკოს სხვა ქვეყნის პრეზიდენტებს, ბიძინა ივანიშვილის სრული კონტროლისა და თანხმობის გარეშე ნებისმიერი ქმედება განახორციელოს, ან წაიკითხოს კანონი და რაღაც საკუთარი აზრი გამოხატოს ამ კანონთან დაკავშირებით.
მან შეგნებულად დაასახელა ადამიანი, რომელსაც არ აქვს განათლება და მან საქართველოს მოქალაქეებს უთხრა, რომ ეს ადამიანი არის თვენი სახე, თქვენ ასეთები ხართ. ანუ, ქართველი კაცი უნდა იყოს კაცი, რომელსაც არ აქვს განათლება, ეს ადამიანი არის თქვენი სახე. მას წარმოუდგენია ქართველი ხალხი, რომ მათ არ ჰქონდეთ განათლება, ისინი უნდა იყვნენ უზრდელები და პრორუსები, მორჩილებაზე აღარ არის ლაპარაკი. ეს იყო დაცინვა და დათრგუნვის მცდელობა საზოგადოების”, – ამბობს ნინო ლომჯარია.
მსგავსი სტატიები:
ჰოჯესი: ბოლო 2 წლის განმავლობაში საქართველომ დასავლური ინტეგრაციიდან უკან დახევა დაიწყო
ხვალ ჯანდაცვის მინისტრი, გურიას ეწვევა
რომელ ქალაქებშია ცხოვრება ხელსაყრელი – მსოფლიოს ტოპ-10
“ასე იწყება გურული ზღაპარი – ალცანდრე მაკიდონელი”-კახა ჩავლეშვილი
“პუტინი ყველაფერში სამაგალითოა დონ, ამიტომ მე ვცდილობ მივბაძო ჩვენს პრეზიდენტს”
ოზურგეთში დღეს ანსამბლ “ქართული ხმების” კონცერტი გაიმართა
ამოვალ, განახებ ჩვენს გადაადგილებას, თუ არ დაიჯერებ, კადრებიც არსებობს – ჯელაძე კობახიძეს
სალომე ზურაბიშვილი – ხელისუფლება იმსახურებს მეტსახელ „რუსულს“, რადგან იგი კრემლის მეთოდებს იყენებს