საქართველოს საკითხს განიხილავს 27 წევრი სახელმწიფო მოახლოებულ საგარეო საქმეთა საბჭოს შეხვედრაზე 16 დეკემბერს, ყველა ვარიანტი მაგიდაზეა, მათ შორის საქართველოსთან უვიზო მიმოსვლის რეჟიმის შეწყვეტის შესაძლებლობა, – ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს განუცხადა შეკითხვაზე, როგორი იქნება ევროკავშირის რეაგირება საქართველოსთან დაკავშირებით და განიხილება თუ არა პერსონალური სანქციების დაწესება და საქართველოსთან უვიზო მიმოსვლის შეწყვეტის შესაძლებლობა:
“გულწრფელად ვიმედოვნებდით, რომ არჩევნები ახალ იმპულსს მისცემდა ევროკავშირ-საქართველოს ურთიერთობებს. დადებითი იმპულსის ნაცვლად, სამწუხაროდ იყო სერიოზული დარღვევები, როგორც ეს საერთაშორისო დამკვირვებლებმა აღნიშნეს. გუშინდელი განცხადება, რომ საქართველო აჩერებს ევროკავშირში გაწევრიანების მცდელობებს მომდევნო 4 წლის განმავლობაში, ვფიქრობ ნამდვილად, ნამდვილად სამწუხაროა…
საქართველოს საკითხი რამდენჯერმე განიხილეს ბოლო დროს. საქართველოს საკითხს განიხილავს 27 წევრი სახელმწიფო მოახლოებულ საგარეო საქმეთა საბჭოს შეხვედრაზე 16 დეკემბერს. ვფიქრობ, მეტ ინფორმაციას გაგიზიარებთ ამ შეხვედრის შემდეგ. რისი თქმაც შემიძლია არის ის, რომ ყველა ვარიანტი მაგიდაზეა. ეს არის ის, რასაც ბევრი თვეა ვამბობთ და ეს ვარიანტები ასევე მოიცავს საქართველოსთან უვიზო მიმოსვლის რეჟიმის შეწყვეტის შესაძლებლობას, მაგრამ ამას განიხილავს და გადაწყვეტს ევროკავშირის 27 წევრი სახელმწიფო“, – აღნიშნა ელჩმა.შეგახსენებთ, “ოცნების” თვითგამოცხადებულმა პრემიერმა კობახიძემ გუშინ, 28 ნოემბერს განაცხადა, რომ 2028 წლის ბოლომდე, აჩერებენ ევროკავშირში გაწევრიანებაზე მოლაპარაკებების პროცესს.
მსგავსი სტატიები:
გავიმარჯვეთ, ახლა მთავარია ოპოზიციის ერთობა – მიხეილ სააკაშვილი ეგზიტპოლის შედეგებზე
ნიკა მელია გმირია, ივანიშვილი კი დაუკრეფავში გადავიდა- სააკაშვილი
“განა ეგ არის ღვთიური სული, რაც ჯერ ეშმაკსაც არ ეკადრება”
პარლამენტში უსაფრთხოების საგანგებო რეჟიმი მოქმედებს, რათა მუშაობაში ხელი არ შეგვეშალოს -კუჭავა
კობახიძე, რატიანი, თალაკვაძე -“მთავარის” ინფორმაციით, ტიკარაძის შემცვლელად სამი კანდიდატურა განიხილება
”პრეზიდენტ სააკაშვილთან ერთობლივად გადავწყვიტეთ აქ წამოვსულიყავით და გვეჩვენებინა, რომ პრეზიდენტები ვდგავართ უკრაინელი ხალხის გვერდით ”
„სერიოზული დაზიანებები არ აღენიშნება“ – ზელენსკი ავარიაში მოყვა
“ძვირადღირებული დამოუკიდებლობის დღე” – წულუკიანის უწყება ბაკურ ბაკურაძის კომპანიას მილიონ ლარამდე თანხას გადაუხდის