ზელენსკი: უკრაინა ივანიშვილსა და მის 19 თანამზრახველს ასანქცირებს

ივანიშვილსა და მის 19 თანამზრახველს უკრაინა ასანქცირებს – ამის შესახებ უკრაინის პრეზიდენტმა, ვოლოდიმირ ზელენსკიმ ახალ ვიდეომიმართავში განაცხადა.

ეს არის სანქციები საქართველოს ხელისუფლების იმ ნაწილის მიმართ, რომელიც ყიდის და პუტინს გადასცემს საქართველოს – ამბობს უკრაინის პრეზიდენტი.

ზელენსკის თქმით, მან უკვე დოკუმენტს ხელი მოაწერა.

უკრაინამ მიიღო სანქციები ბიძინა ივანიშვილსა და მისი 19 თანამზრახველის წინააღმდეგ. ახლახან ხელი მოვაწერე განკარგულებას, რომელიც ძალას ანიჭებს ეროვნული უსაფრთხოებისა და თავდაცვის საბჭოს გადაწყვეტილებას სანქციების შესახებ. ეს არის სანქციები საქართველოს ხელისუფლების იმ ნაწილის მიმართ, რომელიც ყიდის საქართველოსა და ქართველი ხალხის ინტერესებს და საქართველოს პუტინს გადასცემს და უთმობს. ასე ხდება საერთაშორისო საქმეებში: თუ დროულად არ რეაგირებ ან არაპრინციპულად იქცევი, მაშინ კარგავ ათწლეულებს და ქვეყნებს ართმევენ თავისუფლებას. ჩვენ ვერავის დავკარგავთ ამ რეგიონში: ვერც საქართველოს, ვერც მოლდოვას და ვერც უკრაინას. ჩვენ ერთად უნდა დავიცვათ თავი მოსკოვისგან. ჩვენ მოვუწოდებთ ევროპას, ამერიკას და მსოფლიოში ყველას იგივეს – იმოქმედონ ერთნაირად და პრინციპულად!”- განაცხადა ზელენსკიმ.

უკრაინის პრეზიდენტმა სანქციები გუშინ ღამით დაანონსა და თქვა, საქართველოს ხელისუფლების მიერ პროტესტის წინააღმდეგ გადადგმული ნაბიჯები დაგმო. მისივე თქმით, კრემლის მხრიდან ქართული ოცნების შექება მიუთითებს, თუ “ვისთვის არბევს” პროტესტს ხელისუფლება.

ცნობისთვის, ლიტვასთან ერთად, ლატვიასა და ესტონეთში ადამიანის უფლებების დარღვევისთვის შესვლა აეკრძალათ ბიძინა ივანიშვილსა და მისი რეჟიმის მაღალჩინოსნებს.

მანამდე, 2 დეკემბერს ბალტიის ქვეყნებმა საქართველოში ლეგიტიმური პროტესტის ჩამხშობ პირთა სანქცირების თაობაზე შეთანხმებაზე ერთობლივი განცხადება გაავრცელეს.

გააზიარეთ და მოიწონეთ სტატია:

მსგავსი სტატიები:

ხვალიდან 15 იანვრის ჩათვლით უქმე დღეები ცხადდება საბჭოთა საფოსტო მარკა, შალვა ქიქოძის ნახატი – გურული ქალი (1921 წელი) UNICEF-ის წარმომადგენელი: როცა ყველა სხვა სექტორი გახსნილია, რატომ უნდა დაიკეტოს სკოლები? ქოცებო” ჩემი ქვეყნის სიმბოლოს იატაკზე ნახევრად შიშველს რომ ახოხიალებთ, გგონიათ ვინმე როდესმე გაპატიებთ? – მამუკა ღლონტი იოანე ჩხატაურელი გურიიდან – სარწმუნოების სვეტი და გამლექსავი ისტორიისა და შესხმათა წმიდანთათვის რატი იონათამიშვილი: სამი მარგინალური პარტია იძლევა საუკეთესო მაგალითს, როგორი არ უნდა იყოს პოლიტიკაში წარმომადგენლობა რუსეთს მეგობრები არ სჭირდება, გვერდით ყმები და მონები უფრო მოსწონს – ჩვენი უპირობო არჩევანი თავისუფლებაა – გია მურღულია თუ გვინდა რუსეთში არ გავიღვიძოთ, აქციაზე დგომა სამსახურივით უნდა იყოს – ირაკლი კვირიკაძე