საქართველო ხვალ შეიძლება ამერიკის დიდი წარმატება, ან დიდი პრობლემა იყოს კავკასიის რეგიონში, – ამის შესახებ საქართველოს მეხუთე პრეზიდენტმა, სალომე ზურაბიშვილმა ამერიკულ ტელეარხ Fox News-თან ინტერვიუში განაცხადა და ტრამპის ინაუგურაციამდე შტაბებში მიმდინარე შეხვედრებზე ისაუბრა.
სალომე ზურაბიშვილმა Fox News-თან ამერიკა-საქართველოს 30 წლიან ურთიერთობებზე ისაუბრა.
საქართველოს მეხუთე პრეზიდენტმა ასევე ხაზი გაუსვა რუსეთის ჩარევას საქართველოს არჩევნებში და განაცხადა, რომ “ოცნება” კრემლის მარიონეტი რეჟიმია.
”ეს არ იყო ოფიციალური შეხვედრები, არამედ მიღებები ინაუგურაციამდე – უბრალოდ იმისთვის, რომ საქართველო მათ გონებაში დარჩენილიყო. ეს პირველადი კონტაქტი მნიშვნელოვანია, რადგან საქართველო შეიძლება გახდეს ამერიკის დიდი წარმატება, ან დიდი პრობლემა კავკასიის რეგიონში, სადაც დომინირებაც რუსეთს მუდმივად სურს.
და რუსეთი საქართველოსთან, ასევე რუმინეთთან, მოლდოვასთან და სხვა ქვეყნებთან მიმართებით, ახალ სტრატეგიას ცდის, რომელიც ამ ქვეყნების გაყალბებული არჩევნებით მოგებასა და ადგილზე მარიონეტი რეჟიმების დანიშვნაში მდგომარეობს, და არ ადარდებთ დემოკრატია, კონსტიტუცია, უბრალოდ ერთგული რეჟიმი სურთ.
და ეს იქნება კითხვა [აშშ-ის] შემდეგი ადმინისტრაციისთვის. რა თქმა უნდა, ამერიკა 30 წლის განმავლობაში საქართველოს მხარეს იყო, საქართველო ამერიკული დახმარების ერთ-ერთი უდიდესი მიმღები იყო, ვინაიდან სტრატეგიულ ინტერესს წარმოადგენს – ენერგეტიკის მარშრუტებს, სავაჭრო მარშრუტებს, ცენტრალურ აზიამდე გზას, და ქვეყანაა, რომელიც არსებითად დემოკრატიისა და საერთო ღირებულებების ციხესიმაგრე იყო.
საქართველო, სომხეთთან ერთად, – ჩვენ ვამბობთ, რომ ჩვენ ვართ უძველესი, ისინი ამბობენ, რომ ისინი არიან უძველესი, – მაგრამ ორივე უძველესი ქრისტიანული სახელმწიფოები ვართ მსოფლიოში და ეს ძლიერად გვაკავშირებს. და ჩვენ ვიყავით დემოკრატიის ციხესიმაგრე ამ ფართო რეგიონში. ჩვენ გვჭირდება ამერიკა, მაგრამ, ვფიქრობ, ამერიკასაც ვჭირდებით“, – განაცხადა ზურაბიშვილმა.
მსგავსი სტატიები:
შენი ქურდული ხელი არ წაგიცდეს არჩევნების გაყალბებაზე – მიხეილ სააკაშვილი ივანიშვილს
“სააკაშვილის იდეაა რომ მელია ჩაჯდეს ციხეში”- მდინარაძე
სამტრედიაში ორმხრივი სროლის შედეგად ორი ადამიანი დაიჭრა
საფრთხე ალავერდისთვის – მშენებლობა ისტორიული ძეგლის არეალში
“პოზიცია თუ არ გაქვს, ვერავის მოეწონები… ყველგან ყოფნა არსად ყოფნაა” – ნიკა მელია
“სააკაშვილის ამჟამინდელი მკურნალობა წარმოადგენს ნარკოტიკული საშუალებებით ბოროტად გამოყენებას“-ამერიკელი ექიმის სკანდალური განცხადება
BBC: სავარაუდოდ, შეთანხმება შედგა და “ჰამასი” 50 მძევალს 150 პალესტინელი პატიმრის სანაცვლოდ გაათავისუფლებს
კობახიძე ოპოზიციას და ენჯეოებს ემუქრება