სისხლის სამართლის წესით დაკავებული იუმორისტის, ონისე ცხადაძის ძმა, სანდრო ცხადაძე წერს, რომ მომიტინგეებს მაჩეტეთი და კეტით შეიარაღებული პირები თავს დაესხნენ.
“5 წუთის წინ, კინო “ამირანი”-ს წინ, თავს დაგვესხნენ მაჩეტეთი და ბიტით”. – დაწერა ცხადაძემ.
ამის შესახებ ინფორმაციას ავრცელებს ასევე მოქალაქე, ნინა ჟორჟოლაძე, რომლის თქმითაც თავდასხმის დროს პოლიცია ახლოს იდგა, თუმცა შემთხვევაზე რეაქცია არ ჰქონია.
“კოსტავაზე მომიტინგეებს მაჩეტეთი და დუბინკით გადმოგვიხტა ეს ორი ცხოველი, იქვე იდგა შსს თეთრი შკოდა, ფართოდ დახუჭული თვალებით.
ამის პარალელურად საარსებო მინიმუმზე 19ჯერ მეტი ოდენობის ჯარიმებს გვიწერენ მოკვდავებს მშვიდობიან დგომაში”. – წერს ჟორჟოლაძე.
მანამდე, თბილისსა და იმერეთის რეგიონში, ჯგუფური ძალადობის ორგანიზების, ხელმძღვანელობის, მასში მონაწილეობისა და ძალადობრივი ქმედებისაკენ საჯაროდ მოწოდების ბრალდებით 5 პირი დააკავეს. მათ შორის არიან იუმორისტი ონისე ცხადაძე და მსახიობი ანდრო ჭიჭინაძე. მათ 9 წლამდე თავისუფლების აღკვეთა ემუქრებათ.
10 იანვრის სასამართლო სხდომაზე 11 ადამიანის – ანდრო ჭიჭინაძის, ონისე ცხადაძის, გურამ მირცხულავას, ლუკა ჯაბუას, ჯანო არჩაიას, რუსლან სივაკოვის, ვალერი თეთრაშვილის, გიორგი ტერიშვილის, ირაკლი ქერაშვილის, რევაზ კიკნაძისა და სერგეი კუხარჩუკის ერთ წარმოებად გაერთიანებული საქმეები განიხილეს.
სასამართლომ დაკავებულები პატიმრობაში დატოვა.
9 იანვარს ანდრო ჭიჭინაძის ადვოკატი, თორნიკე მიგინეიშვილი აცხადებდა, რომ გამოძიებამ საქმეები ერთ წარმოებად “ხელოვნურად გააერთიანა” და ეს უკანონოა.
11-ვე დაკავებულს ბრალი საქართველოს სისხლის სამართლის კოდექსის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს. მუხლი სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.
მსგავსი სტატიები:
“ესენი უნდა დავსპირტოთ და შევინახოთ”-ყუბანეიშვილი მთავრობაზე
“5 ივლისი ეს იყო ყველაზე ბანძი, ბოროტი დღე, როცა ძალადობის ლეგალიზება მოხდა”
“აღარ ენდობიან ქალბატონ ზურაბიშვილს და ვარაუდობენ, რომ შეიძლება შეიწყალოს ბატონი სააკაშვილი…ბრალი 2 წუთში მოუხსნას”-ნიკა მელია
პროკურატურა ნიკა გვარამიას აცილებას ითხოვს – სასამართლო სხდომის დეტალები
“ქართული ოცნების“ პოლიტიკას ჰქვია: ვაი, დედა, მე რამე არ მომივიდეს”
„ეს არის უბრალოდ, შოკი“ – რუსულ ხორბალზე საექსპორტო ფასები ეცემა
ერთიან ეროვნულ გამოცდებზე 45 000-ზე მეტი აბიტურიენტი რეგისტრირდა…..რაც რეკორდული რაოდენობაა
ბირთვული იარაღის გამოყენების საჭიროება არ არსებობს – პუტინი