ყაველაშვილმა აჭარის მთავრობის თავმჯდომარის პოსტზე სანქცირებული სულხან თამაზაშვილი წარადგინა

„ქართული ოცნების“ პრეზიდენტმა, მიხეილ ყაველაშვილმა აჭარის ავტონომიური რესპუბლიკის მთავრობის თავმჯდომარის პოსტზე სულხან თამაზაშვილი წარადგინა. თორნიკე რიჟვაძემ აღნიშნული თანამდებობა დღეს დატოვა.

თამაზაშვილი მანამდე თბილისის პოლიციის დეპარტამენტის დირექტორი იყო. ნოემბერ-დეკემბრის აქციებზე მოქალაქეების წინააღმდეგ ძალადობის გამო ის დიდი ბრიტანეთის სანქციების ქვეშ მოექცა. ამის შემდეგ თამაზაშვილი შსს-ს სხვა მაღალჩინოსნებთან ერთად „ქართულმა ოცნებამ“ ღირსების ორდენით დააჯილდოვა.

ყაველაშვილმაც და ირაკლი კობახიძემაც თქვეს, რომ თამაზაშვილი აჭარის რეგიონშია დაბადებული და გაზრდილი.

„მას აქვს ყველა ყველა თვისება, მას აქვს გამოცდილება, სათანადო უნარ ჩვევები იმისთვის, რომ სათანადოდ წარმართოს ის საქმიანობა, რომელიც დაკავშირებულია აჭარის ავტონომიური რესპუბლიკის განვითარებასთან. არის ძალიან ბევრი გამოწვევა ჩვენ წინაშე და დარწმუნებული ვარ ამ გამოწვევებს საუკეთესოდ გაართმევს თავს სწორედ ბატონი სულხან თამაზაშვილი“, – თქვა კობახიძემ.

სულხან თამაზაშვილმა მათ მადლობა გადაუხადა ნდობისთვის და შესაძლებლობისთვის, რომ „ჩემი, ალბათ მრავალწლიანი გამოცდილება საჯარო სამსახურში“ მის რესპუბლიკას მოახმაროს.

19 დეკემბერს ბრიტანეთმა შინაგან საქმეთა მინისტრს და პოლიციის მაღალჩინოსნებს სანქციები დაუწესა. ჩამონათვალში არიან ვახტანგ გომელაური, ალექსანდრე დარახველიძე, სულხან თამაზაშვილი, ზვიად ხარაზიშვილი („ხარება“) და მილერი ლაგაზაური.

გაერთიანებული სამეფოს ცნობით, ისინი პასუხისმგებელნი არიან მედიისა და მომიტინგეების სასტიკ დარბევაზე. განცხადებაში აღნიშნულია, რომ სანქციები გაგრძელებაა გაერთიანებული სამეფოს მთავრობის მიერ გასულ კვირას მიღებული ზომებისა, რომელიც ითვალისწინებდა საქართველოს მთავრობის პროგრამების მხარდაჭერის შეჩერებასა და თავდაცვის სფეროში თანამშრომლობის შეზღუდვას.

გააზიარეთ და მოიწონეთ სტატია:

მსგავსი სტატიები:

ვიმოძრაოთ რიგგარეშე არჩევნებამდე – მარგველაშვილი ქობულეთში კორონავირუსით ექიმი გარდაიცვალა ეკა ბესელია ირაკლი კობახიძეზე – ეს ყმაწვილი გამოირჩევა განსაკუთრებული აგრესიულობით და სიძულვილის ენით – მას ეს როლი არგუნეს და ამ როლს ასრულებს “მოგწონს, არ მოგეწონოს – მოითმინე, ჩემო ლამაზო” – პუტინი ზელენსკის ნინო ლომჯარია ნაცების სახალხოდ დამცველად გადაიქცა – მდინარაძე “ოცნების” ელიტური კორუფცია – დავით ხიდაშელმა ბიუჯეტი მილიონებით აზარალა თბილისში, დოლიძის ქუჩაზე მამა-შვილი დაჭრეს ნათელაშვილის პერფორმანსი – შეკვეთილში ივანიშვილის ფიტული დაწვეს