”ჩემი აღდგომა მაშინ იქნება როს თავისუფალს ვნახავ სამშობლოს”

„ჩემი აღდგომა“

ჩემი აღდგომა მაშინ იქნება

როს თავისუფალს ვნახავ სამშობლოს,

თუ მტრისგან შევინარჩუნებთ,

ვარდ-ყვავილოვან მოქარგულ მდელოს

* * *

ჩემი აღდგომა მაშინ იქნება

როს ჩემი ერი განიკურნება,

როს ჩემს სამშობლოს დღეს შავად მოსილს

გულში ჩაიკრავს სულ სხვა ბუნება.

* * *

ჩემი აღდგომა მაშინ იქნება

როს ჩემს ერს ვნახავ თავისუფალსა;

როს ძმა ძმის სისხლს აღარ დაანთხევს

და ხმალს ჩააგებს პირსისხლიანსა.

* * *

ჩემი აღდგომა მაშინ იქნება

როს განახლდება ჩემი ივერი

მაშინ აღდგომას მე მოგილოცავთ

სიამით მეც დავიმღერი!

დ. ჭანჭანათელი

მოამზადა კახა ჩავლეშვილმა

გააზიარეთ და მოიწონეთ სტატია: