ჟურნალისტი – საარჩევნო სიებს საყვარლებით აკომპლექტებენ და ხალხს აჯერებენ, რომ ოჯახურ ღირებულებებზე ზრუნავენ

ტიპები საარჩევნო სიებს საყვარლებით აკომპლექტებენ და ხალხს აჯერებენ, რომ ოჯახურ ღირებულებებზე ზრუნავენ.

– მილიონებად ღირებულ სასახლეებს იშენებენ და ხალხს აჯერებენ, რომ სუპი თუ გაქვს და მარტო იმას ჭამ, ბედნიერი უნდა იყო.

– შვილებს სასწავლებლად და საცხოვრებლად ევროპასა და ამერიკაში უშვებენ და ხალხს, ვისაც სასწავლებლად წასვლა მხოლოდ გრანტით შეეძლო, აჯერებენ, რომ საქართველოს უცხოური გრანტი არ სჭირდება და უცხოეთში სწავლა საჭირო არაა.

– ევროპის დედაქალქებში ბინებს ყიდულობენ და ხალხს აჯერებენ, რომ ევროპა “აგეებს”.

– თვითონ დასასვნებლად უცხოეთში ვარდისფერი ფლამინგოებით დადიან და აქ ხალხს აჯერებენ, რომ დასავლეთს “ქალი ქალია და კაცი კაცია” არ მოსწონს. და ამის შეცვლს ითხოვს.

– თვითონ სისხლის ანალიზზეც და “ჩექაფზეც” უცხოეთში დარბიან და ხალხს აჯერებენ, რომ ვიზალიბერალიზაცია რომ გაუქმდება და სიმსივნით დაავადებულ ადამიანს თვეობით მოუწევს რიგში დგომა ვიზისთვის, ეგ მნიშვნელოვანი არაა.

– თვითონ მილიონებს შოულობენ და ხალხს აჯერებენ, რომ უვიზოდ უცხოეთში რომ მიდიხარ და ოჯახის სარჩენად ორ კაპიკს შოულობ და ეგ გზა ჩაგეკეტება, არაფერია, მთავარია, ღირსეულად შიმშილით მოკვდე.

– თვითონ ბედნიერად ცხოვრობენ და ხალხს აჯერებენ, რომ ვიზები თუ გაუქმდება და ემიგრაციაში გადახვეწილ მშობლებს შვილები ვეღარ ნახავენ, ეგ არაფერია, მთავარია ღირსეულად ორ ფეხზე იდგნენ აქ მონატრებულები.

– სომხეთი ევროპასთან ვიზალიბერალიზაციას ითხოვს, მოლდოვა ისე ახლოსაა ევროკავშირთან, როგორც არასდროს და ესენი ხალხს აჯერებენ, რომ დასავლეთი ჩვენგან ომის დაწყებას ითხოვს.

– ტიპები ხალხს აჯერებენ, რომ ანწუხელიძე ვიღაცის ინტერესებს შეეწირა და საერთოდაც, ახალი სახის გმირები გვჭორდება.

– თვითონ კანონეს ტანზე ირგებენ, ჭრიან, კერავენ და იტოლებენ, როგორც ეკომფორტყლებად და ხალხს აჯერებენ, ოპოზიციის ლიდერებს იმიტომ ვიჭერთ, კანონებს პატივს არ სცემენო.

– ყველა საქმეს ქუჩაში კრიმინალებთან აგვარებემ და ხალხს აჯერებენ, დანაშაულს ვებრძვითო.

– თვითონ საკუთარი სკამების, ქონების, შვილების სიმდიდრეში ყოფნის, კორუფციით ნაშოვნი მილიონების გადარჩენას ცდილობენ და ხალხს აჯერებენ, რომ ადამიანებზე ზრუნავენ….

– ვისაც არ სჯერა, იჭერენ, აჯარიმებენ, აკოტრებენ, ქვეყნიდან აგდებენ, სახლებში უვარდებიან, აქციებზე სპეცრაზმს ასახიჩრებინებენ და მერე ამათვე იჭერენ, პილიციელს “ლოყა აუწითლდა” ან მანდატურს ხელი მოხვდა ან სპეცრაზმელს ფეხი ეტკინაო;

– ვისაც არ სჯერა, იმათ კრიტიკული მედიიდან ამბის გაგების საშუალებას ართმევენ, ტელევიზიებს აკოტრებენ, ონლაინგამოცემებს დაფინანსების წყაროებს უსპობენ, ჟურნალისტებს აპატიმრებენ…

– ვისაც სჯერა, იმედსა და რუსთავი 2-ს უყურებს, “დაუჯერებლებს” კედელ-კედელ დასდევს და ღირსეულად ბედნიერია

წერს საკუთარ ფეისბუკ გვერდზე ჟურნალისტი, თეო გილიგაშვილი.