მიუხედავად იმისა, რომ ფხიზლად და ჯანსაღი ცხოვრების წესი პოპულარულია, უდავოა, რომ მცირე ოდენობით ალკოჰოლი ცხოვრების წესად იქცა. ალბათ, ძნელად წარმოსადგენია შაბათ-კვირის დასვენება გემრიელი კოქტეილის გარეშე, მითუმეტეს, თუ მეგობრების წრეში ხარ, ან ახალი კავშირების დამყარებას ცდილობ.
მაგრამ რა მოხდება, თუ ისეთ ქვეყანაში ცხოვრობთ, სადაც ალკოჰოლი არალეგალურია? საინტერესოა, აკრძალვა სიცოცხლის ხარისხს აუმჯობესებს თუ პირიქით?
წარმოგიდგენთ ქვეყნებს, რომლებშიც ალკოჰოლის მოხმარება არაკანონიერად ითვლება:
ირანი
ირანის კანონმდებლობის თანახმად, რომელიც ისლამური პრინციპებით რეგულირდება, ალკოჰოლის გაყიდვა და მოხმარება მკაცრად აკრძალულია.
ისლამი არ აღიარებს მათრობელა ნივთიერებების, მათ შორის ალკოჰოლის მოხმარებას, რადგან ისინი სულიერი სიწმინდისა და თვითკონტროლისკენ სწრაფვის საწინააღმდეგოდ აღიქმება.
ბანგლადეში
ჯანდაცვის მსოფლიო ორგანიზაციის მონაცემებით, ბანგლადეშში ალკოჰოლის მოხმარება მსოფლიოში ერთ-ერთი ყველაზე დაბალია, მოსახლეობის 90%-ზე მეტი ალკოჰოლის გარეშე ცხოვრობს. როგორც უპირატესად მუსლიმური ქვეყანა, ალკოჰოლი არც სოციალურად მიღებულია და არც ღიად დაშვებული. ბანგლადეშის კანონმდებლობის თანახმად, ნებისმიერი სასმელი, რომელიც შეიცავს 0.5%-ზე მეტ ალკოჰოლს, კლასიფიცირდება როგორც ალკოჰოლური სასმელი.
აღსანიშნავია, რომ ბანგლადეშში ალკოჰოლის მოხმარებისთვის საჭიროა სპეციალური ნებართვა, რომელიც, როგორც წესი, არამუსლიმებს ეძლევათ.
ავღანეთი
ავღანეთი ერთ-ერთი ქვეყანაა, სადაც ალკოჰოლის მოხმარება ისლამური კანონის გამო მოქალაქეების უმრავლესობისთვის უკანონოა. შარიათის კანონის თანახმად, დარღვევამ გამოიწვიოს სასჯელი, მათ შორის ჯარიმები, თავისუფლების აღკვეთა ან ფიზიკური დასჯა.
იემენი
ალკოჰოლი იემენში სრულიად აკრძალულია, რადგან ის ისლამური სწავლებების საწინააღმდეგოდ ითვლება. არყის უბრალო შეძენაც კი შეიძლება უკანონო გარიგების ელფერს ატარებდეს.
საუდის არაბეთი
იქ ალკოჰოლი 1952 წელს მეფე იბნ საუდმა აკრძალა და საუდის არაბეთის მოქმედი კანონმდებლობის თანახმად, მისი შენახვის ან მოხმარებისთვის სასჯელი შეიძლება მოიცავდეს ჯარიმებს, თავისუფლების აღკვეთას, საჯაროდ გაშოლტვას ან დეპორტაციას ემიგრანტებისთვის.
ბევრი სხვა მუსლიმური ქვეყნისგან განსხვავებით, ალკოჰოლის გაყიდვა საუდის არაბეთში მკაცრად აკრძალულია, თუნდაც ძვირად ღირებულ სასტუმროებში.
თუმცა საუდის არაბეთი ცდილობს საერთაშორისო ვიზიტორების მოსაზიდად და თავისი იმიჯის მოდერნიზებას. „ხედვა 2030“ პროექტის ფარგლებში, ერ-რიადის დიპლომატიურ კვარტალში გაიხსნა პირველი სამთავრობო ლიცენზირებული სავაჭრო ობიექტი, სადაც ალკოჰოლი იყიდება.
სომალი
სომალიში ალკოჰოლი აკრძალულია ქვეყნის მუსლიმური კულტურის მიხედვით, თუმცა ისტორიულად ის დაშვებული იყო და დღემდე იწარმოება უკანონოდ. შარიათის კანონის მიუხედავად, რომელიც ალკოჰოლს კრძალავს, ახალგაზრდები მას ფარულად მოიხმარენ.
ქუვეითი
ქუვეითში ალკოჰოლის შეძენა ან საჯაროდ მოხმარება სრულიად აკრძალულია, რაც იმას ნიშნავს, რომ ალკოჰოლს სასტუმროებსა და რესტორნებშიც კი არ სთავაზობენ.
მსგავსი სტატიები:
საქართველოში კორონავირუსით კიდევ 4 ადამიანი გარდაიცვალა
პოლიციაში პოლიციელი ხელკეტებით სცემეს
“მწვანე ალტერნატივა” და “სოციალური სამართლიანობის ცენტრი” რიონის ხეობის მცველებთან თანამშრომლობას წყვეტენ
ჟირინოვსკი მძიმე მდგომარეობაშია – დეპუტატი საავადმყოფოში გადაიყვანეს
“ლობიოს გავიყოფთო და მე ლობიო არ მიყვარს…ეკალას თუ გამიყოფთ…მაშინ რად მინდა ასეთი ევროპა…ეკალა არ მირჩევნია?“-ინგა გრიგოლია
“ოქტომბრის შემდეგ სულ წევს, შენელებული აქვს მოტორიკა და ხელს ვერ ამოძრავებს”– ლომჯარიამ კლინიკიდან სააკაშვილზე უახლესი ინფორმაცია გამოიტანა
შავი ზღვის გურიის სანაპირო მეთექვსმეტე საუკუნის რუკებზე – ნავსადგური San. giorgio (წმინდა გიორგი)
“განსაკუთრებული მადლობა ბატონ ბიძინა ივანიშვილს” – ოლიგარქის საპრეზიდენტო კანდიდატის პირველი განცხადება
