“აი ერთად აღმოვჩნდით ციხეში მომწამლავიც და მოწამლულიც, მალე საკანში მოწამვლის შემკვეთმა უნდა ჩამანაცვლოს და ყველაფერი თავის ადგილზე დადგება (დაჯდება).
უფრო სერიოზულად კი ლილუაშვილის დაჭერით ივანიშვილი უგზავნის მესიჯს ორივეს, რუსებსაც და ამერიკელებსაც. საქმე იმაშია, რომ ლილუაშვილი იყო მთავარი კონტაქტ პერსონა ФСБ-ს პოსტსაბჭოთა სივრცის კურატორთან, გენერალ ბესედასთან, რომელიც სწორედ მან ჩამოიყვანა მცხეთაში საქეიფოდ. სწორედ ლილუაშვილს მისცეს რუსებმა ჩემი ადგილმდებარეობის შესახებ ინფორმაცია 2021 წელს.
ასევე ლილუაშვილი ასრულებდა ამერიკელების ცალკეულ დავალებებს ირანელებთან და ისლამისტებთან მიმართებაში (ამიტომაც არ დასანქცირდა).
ახლა ივანიშვილი აჩვენებს რუსებს და ამერიკელებს, რომ სწორედ ის აკონტროლებს ქვეყანაში მდგომარეობას და ნებისმიერი მცდელობა მის ზურგს უკან რამის კეთების და ოლიგარქის ძირგამოთხრის, მის მიერ წინააღმდეგობას წააწყდება.
რუსები თავის მხრივ უკმაყოფილო არიან ივანიშვილით იმის გამო, რომ ბოლომდე არ უსრულებს მიცემულ დაპირებებს და ასევე იმიტომ, რომ ვერ ჩაახშო პროტესტი ბოლომდე” | წერს მესამე პრეზიდენტი მიხეილ სააკაშვილი სოციალურ ქსელში.
სუს-ის ყოფილი უფროსი, გრიგოლ ლილუაშვილი, დღეს, 23 დეკემბერს დააკავეს. პროკურატურა მას ინვესტორებისგან განსაკუთრებით დიდი ოდენობით, მილიონობით ლარის ქრთამის აღებასა და ქოლ-ცენტრების მფარველობას ედავება. ლილუაშვილს 11-დან 15 წლამდე პატიმრობა ემუქრება.
მსგავსი სტატიები:
გიორგი კეკელიძის საჩუქარი სამ გურულ ოჯახს “შენმოქმედთან” და “სკაიტელთან” ერთად
“ყველაზე წყალწაღებული ქვეყანა ვართ” – საქართველოში ცხოვრება კიდევ უფრო გაძვირდა
“ის წერილი არ იყო გიორგი გახარიას მიერ დაწერილი და შეიძლება შეწუხებულიც კი იყო, რადგან ეს როლი მოირგო”
“თითქოს ყველაფერი აშენებული იყო და ჩვენ მოვედით და ჩვენ დავანგრიეთ”
სალომე სამადაშვილი 5 წელია არ გვესალმება – კობახიძის “საუკეთესო ოპოზიციონერის მოდელი”
“ხელის მუხრუჭის ამოწევით შემოგვატრიალეს და მივყავართ უკან “საქართველოს სსრ“-ში”
“თუ შინაგანად დამახინჯებული ხართ, მაშინ შვილებსაც ამახინჯებთ”
“საქართველოს მთავრობის ავტორიტარული ტრაექტორია საფრთხის ქვეშ აყენებს ქვეყნის დემოკრატიულ მომავალს” – ჰელსინკის კომისია
