ჭყონდიდის ეპარქიაში, საგანგებოდ მივლინებული მეუფე სტეფანე საკვირაო წირვას ატარებს. ადგილზე პოლიციაა მობილიზებული. სამართალდამცავები რეზიდენციის ტერიტორიაზე ჯგუფ-ჯგუფად არიან განლაგებულნი, ისინი აკონტროლებენ ტაძრამდე მისასვლელ ყველა გზას.
შეგახსენებთ, რომ სასულიერო პირების ნაწილი ეპარქიაში მეუფე სტეფანეს განმწესებას ეწინააღმდეგება. ისინი ამბობენ, რომ თუ მათი მოთხოვნები არ დაკმაყოფილდა მომავალ კვირას აქციას გამართავენ. პროტესტის ნიშნად სასულიერო პირების ნაწილი მღვდელმსახურებაში არ მონაწილეობს.
“მათ [პოლიციის] ნაცვლად ვერ გიპასუხებთ, კონფლიქტი ყოველთვის შეიძლება მოხდეს, რომელიმე დღე გამორიცხულია, რომ არ მოხდეს?!” – თქვა ერთ-ერთმა სასულიერო პირმა.
არსებული ინფორმაციით, მერიისგან საჯარო მოხელეებმა, საკრებულოს თანამშრომლებმა სპეციალური დავალება მიიღეს, რომ დღევანდელ წირვას ოჯახებთან ერთად დაესწრონ. წირვაზე მისვლა დაევალა “პატრაქტივსაც”, რომელსაც “ქართული ოცნება” არჩევნებში ხმების მობილიზებისთვის იყენებდა.
ცნობისთვის, 8 მარტს, მარტვილში ინციდენტი იმ დროს მოხდა, როცა მეუფე სტეფანე სასულიერო პირებთან შეხვედრას მართავდა. ადგილზე შეიკრიბა მრევლის ნაწილი, რომლებიც უკმაყოფილონი იყვნენ ახალი მმართველის გადაწყვეტილებით, რომლის საფუძველზეც მეუფემ ორ დიაკვანს მღვდელმსახურების უფლება შეუჩერა. ეპარქიაში დაპირისპირების შედეგად დაშავდნენ “მთავარი არხის”, “ტვ პირველის” , “რუსათავი 2”-ის და “ფორმულას” ჟურნალისტები. “ტვ პირველის” ოპერატორს საავადმყოფოში გადაყვანა დასჭირდა. ისინი შენობის მეორე სართულიდან იმ დრო გადაცვივდნენ, როდესაც დაპირისპირების დროს, აივნის მოაჯირი ჩაინგრა.
მსგავსი სტატიები:
პარლამენტში შესვლის სანაცვლოდ “ოცნებამ” ფული შემომთავაზა- თაკო ჩარკვიანი
” ქვეყანა გაკოტრებული, რადარებიდან გამქრალი, ხალხი გაღატაკებული”..
როგორ შეიძლება მიხეილ სააკაშვილს არ შეეძლოს საკუთარ ქვეყანაში იყოს და თავის პარტიასთან ერთად იბრძოლოს – ბარამიძე
ღარიბაშვილი: “ოპოზიციას დღეს დარჩა სულ რაღაც ორი არჩევანი”
რა არის ფილერი და ახდენს თუ არა უკუჩვენებას ვაქცინაციისას
“წარმოგიდგენიათ ივანაშვილის და სააკაშვილის მოლაპარაკება საქართველოს მომავლის თაობაზე”?
სამადაშვილი: დარწმუნებული ვარ, რომ არსებობს შეთანხმების შესაძლებლობა
“ნაციონალური მოძრაობა” ამ ეტაპზე ძლიერი მოთამაშეა, “ოცნების” რეიტინგი უკიდურესად შემცირებულია