კრისტიან დანიელსონის მედიაციით ოპოზიციას და ხელისუფლებას შორის შეხვედრა დღეს დასრულდა.
რამდენიმესაათიანი მოლაპარაკების დასრულების შემდეგ რესპუბლიკური პარტიის წევრმა, ხათუნა სამნიძემ თქვა, რომ მოლაპარაკებები ხვალ, 18 მარტს გაგრძელდება.
“დღეს გვქონდა ძალიან საინტერესო, მნიშვნელოვანი და რთული საუბარი”. – თქვა მან.
სამნიძისვე თქმით, განხილულ იქნა ევროპული საბჭოს პრეზიდენტის წარმომადგენლის, შარლ მიშელის მიერ შემოთავაზებული დოკუმენტის 6-ვე პუნქტზე, მათ შორის რიგგარეშე არჩევნებსა და პოლიტპატიმრების საკითხზე.
თუმცა, როგორც სამნიძე ამბობს, შეთანხმება მიღწეულად ჩაითვლება მას შემდეგ, რაც იქნება თანხმობა 6-ვე საკითხთან დაკავშირებით.
შეხვედრა დროზე ადრე დატოვა ლეიბორისტული პარტიის ლიდერმა, შალვა ნათელაშვილმა.
მიზეზად მან დაასახელა ის, რომ რიგგარეშე არჩევნების თარიღი და პოლიტპატიმრების გათავისუფლების საკითხი რიგით პირველ თემებად არ განიხილება.
ოპოზიცია და ხელისუფლება გაერთიანებულ ფორმატში ევროპული საბჭოს პრეზიდენტის, შარლ მიშელის წარმომადგენელს, კრისტიან დანიელსონს ამ წუთებშიც ხვდება.
დანიელსონი საქართველოში 12 მარტს ჩამოვიდა და არაერთხელ შეხვდა როგორც ოცნებას, ისე ოპოზიციურ პარტიებს.
დანიელსონამდე კი საქართველოში თავად შარლ მიშელი იმყოფებოდა. მან 6-პუნქტიანი დოკუმენტი წარადგინა, რომელიც ხელისუფლებამ და ოპოზიციამ უნდა განეხილათ. მათ შორის იყო რიგგარეშე არჩევნებისა და პოლიტიკური პატიმრების საკითხი.
მსგავსი სტატიები:
“მონური ფსიქოლოგია”- არის ცივილიზაციისგან გარიყვის პირველი ნიშანი, განათლებული ერი კი ვერასოდეს გახდება მონა”
ვიმოძრაოთ რიგგარეშე არჩევნებამდე – მარგველაშვილი
რატომ დაუპირისპირდნენ ერთმანეთს ოზურგეთის საკრებულოს დეპუტატი და სამოქალაქო აქტივისტი
“სუსმა პარტიის ოფისში შემოუშვა აგენტურა, მიიღეთ ზომები”- გვარამია “ენმ”-ს
საქსტატი: აპრილში ზეთი 40.2%-ით; შაქარი 12.3%-ით; პური 6.4%-ით გაძვირდა
გომელაური: “საქართველოში კრიმინალი გაზრდილი არ არის”
მეგრელიშვილი: შარლ მიშელს ვეწუწუნეთ ჩვენს გაჭირვებაზე
“გადააყენეთ მთავრობა, თუ ჯერ ვერ?” | სოზარ სუბარი “მთავარის” ჟურნალისტს