აშშ-ს საელჩო განცხადებას ავრცელებს ქართული ოცნების მიერ გამკაცრებულ სანქციებზე – „არასაჭირო და უსარგებლოა, იმედგაცრუებულები ვართ”
განცხადების სრული ტექსტი:
„ჩვენ ძალიან იმედგაცრუებული ვართ მმართველი პარტიის მიერ დღეს საქართველოს ადმინისტრაციულ სამართალდარღვევათა კოდექსში ცვლილებების ნაჩქარევად მიღების გამო. ამ ცვლილებების დაჩქარებული წესით მიღება არასაჭირო და უსარგებლო იყო. ოპოზიციურ პარტიებთან, სამოქალაქო საზოგადოებასთან და სხვა დაინტერესებულ მხარეებთან სიღრმისეული კონსულტაციის ნაკლებობა აჩენს კითხვებს ამ ცვლილებების მიზანთან დაკავშირებით. საქართველოს პოლიტიკურ ლიდერებს შორის დადებული 19 აპრილის შეთანხმება მხარეებს მოუწოდებს ერთობლივად იმოქმედონ კეთილსინდისიერად, რათა შეამცირონ ღრმა პოლარიზაცია, რომელიც ძირს უთხრის საქართველოს დემოკრატიულ განვითარებას. ქართულ ოცნებას, როგორც საპარლამენტო უმრავლესობას, განსაკუთრებული პასუხისმგებლობა აკისრია ამ სულისკვეთებით განახორციელოს 19 აპრილის შეთანხმება და მართოს გამჭრვირვალედ და ინკლუზიურად. ასეთ მნიშვნელოვან კანონმდებლობაზე დაინტერესებულ მხარეებთან საფუძვლიანი კონსულტაციების არგამართვის გამო, მმართველმა პარტიამ ამ შემთხვევაში მოლოდინი არ გაამართლა. საქართველოში ახლა მრავალფეროვანი, მრავალპარტიული პარლამენტია, რასაც ქართველმა ამომრჩეველმა მისცა ხმა. დროა, ყველა პარტიამ, განსაკუთრებით ქართულმა ოცნებამ, ერთად იმუშაოს პარლამენტში საქართველოს მოსახლეობისთვის პრიორიტეტული საკითხების გადასაჭრელად”.
მსგავსი სტატიები:
რა დასკვნა დაიდო ადამიანების უფლებების დარღვევაზე- HRC 2020 წლის ანგარიში
“ოცნება” პიარისთვის ორმილიონნახევრიან ხელშეკრულებას აფორმებს
“ჯერ უბრალოდ ვაზუსტებ ნიკა მელია დამემუქრა თუ ხუმრობა იყო”-იაგო ხვიჩია
განათლების სამინისტრო განცხადებას ავრცელებს
ადვოკატი: „მელია დღეის შემდეგ არის პოლიტიკური ტყვე“
კახიშვილი გახარიაზე:”პანდემიის დროს სწორი მართვა რას ნიშნავს იცით?”
ვასაძე: “იძულებული ვარ გადავფრინდე მოსკოვში, სამწუხაროდ, ე.წ. პრაიდის კვირეულის დროს თბილისში ვერ ვიქნები”
„პრეზიდენტ მიშელის დოკუმენტზე ხელმოწერაც კი ვერ აჩერებს ამ ,,ვირუსს” – ეკა ბესელია