„გურია თუდეის“ ექსკლუზიური ინფორმაციით, გუშინ გვიან ღამით გურიაში, კონკრეტულად ურეკის პოლიციაზე თავდასხმა მოხდა. ჩვენი ინფორმაციით, შემთხვევამდე, პოლიციელებმა, არაფხიზელ მდგომარეობაში მყოფ მოქალაქეებს შენიშვნა მისცეს. ვითარება დაიძაბა და სამართალდამცველებმა ერთი ახალგაზრდა დააკავეს.
ცოტა დაუჯერებლად ჩანს, მაგრამ ჩვენი წყაროს ცნობით, ამის შემდეგ დაკავებულის ახლობლები ურეკის პოლიციის ოფისში მივიდნენ, სამართალდამცველებს ფიზიკური შეურაცხყოფა მიაყენეს და დაკავებული მეგობარი გაათავისუფლეს, მასთან ერთად პოლიციის შენობა დატოვეს.
ჩვენი ინფორმაციით, მთელი ღამის განმავლობაში მიმდინარეობდა სპეცოპერაცია პოლიციაზე თავდამსხმელთა დასაკავებლად. ბოლო ცნობებით, დაკავებულია ათამდე ახალგაზრდა, მათ შორის ის, ვინც მეგობრებმა გაათავისუფლეს. რამდენიმე პირის მიმართ ძებნის ოპერაცია ახლაც მიმდინარეობს.
„გურია თუდეი“ ინფორმაციის გადამოწმებას ცდილობს. გურიის პოლიციის პრესსამსახურის წარმომადგენელმა არც ჩვენს ზარს უპასუხა და არც სმს შეტყობინებას. შსს-ს ცხელ ხაზზე უწყების პრესსამსახურის ნომერი მოგვცეს, სადაც არავინ გვიპასუხა. კომენტარის მიღებისთანავე, ჩვენ მას ოპერატიულად შემოგთავაზებთ.
მსგავსი სტატიები:
გურიის გუბერნატორი ზურაბ ნასარაია მოსახლეობას დამდეგ შობა-ახალ წელს ულოცავს
ჩოხატაურში რელიგიურ ნიადაგზე დაპირისპირება მოხდა
ამ წუთებში აქციის მონაწილეებსა და ადგილობრივ ხელისუფლებას შორის მოლაპარაკებები მიმდინარეობს
“ასეა ბიძია, ვინც ფულს იხდის, ხალხიც მის გვერდით დგას” -ვინ შეუერთდა ოზურგეთიდან “უცნობის” აქციას?
3 დღით, გომისმთის მიმართულებით მოძრაობა შეიზღუდება- ოზურგეთის მერია
რატომ არ თმობს “ოცნება” ცოცხალი თავით სასამართლოს?
გიდასტურებთ,რომ გუბერნატორმა თანამდებობა დატოვა -პრესსამსახური
კონსტანტინე შარაშენიძე ოზურგეთის მერობის დამოუკიდებელ კანდიდატად ოფიციალურად დარეგისტრირდა